POP 5

Lajmet më të lexuara të 5 minutave të fundit

Politikë

Protesa e opozitës, Petro Koçi: Do të shesin vilat në Gjirin e Lalëzit dhe milionat do t’ua shpërndajnë qytetarëve

Deputeti i Partisë Socialiste, Petro Koçi ka reaguar për protestën e sotme të opozitës duke theksuar se sipas disa burimeve të sigurta lidershipi pëdëist ka vendosur të shesë vilat në Gjirin e Lalëzit dhe me ato miliona euro do përgatiten mijëra pako e dhurata për popullin e Tiranës e të gjithë Shqipërisë

Protesa e opozitës, Petro Koçi: Do të shesin vilat në Gjirin e Lalëzit dhe milionat do t’ua shpërndajnë qytetarëve

Sali Berisha gjatë protestës së sotme, 23 dhjetor 2024

Deputeti i Partisë Socialiste, Petro Koçi ka reaguar për protestën e sotme të opozitës duke theksuar se sipas disa burimeve të sigurta lidershipi pëdëist ka vendosur të shesë vilat në Gjirin e Lalëzit dhe me ato miliona euro do përgatiten mijëra pako e dhurata për popullin e Tiranës e të gjithë Shqipërisë.

Në postimin e publikuar në rrjetet sociale një ditë më parë Koçi thekson gjithashtu se i gjithë lidershipi i PD në 23 Dhjetor do i kërkojë falje popullit dhe shtetit për çdo të zezë që i ka shkaktuar vendit duke filluar me prishjen e Qeverisë së Stabilitetit, nenin 24/1, privatizimet me formulën qyl në bordet partiake, zgjedhjet e përgjakura të Libofshës, grushtin e shtetit të 26 Majit '96, shpartallimin e shtetit në '97-ës,14 shtatorin '98, 21 Janarin, hedhjen në erë të shtyllave të tensionit të lartë, qindra shishe molotove mbi policinë dhe institucionet e shtetit, përdorimin e fëmijëve për të djegur godina partish, djegien e qendrave të votimit në 2019, sulmet mbi gardistët etj.

Postimi i plotë:

Një lajm i gëzuar miq; PD më në fund e paska ndarë mendjen për mirë.

Ka vendosur të na zhgënjejë!

Ka reflektuar thellë mbi veprimtarinë e saj të kohëve të fundit mbushur me dhunë, grushta, shkelma, zjarr dhe bllokim jete.

Nuk ka asnjë plan te ndalojë ardhjen e Vitit të Ri dhe as ti bëjë pritë Santa Klausit në 25 Dhjetor.

Ka pare në sistemin VAR tërë bëmat e deputetëve të saj gangsterë dhe i ka vënë e tmerruar gishtin kokës.

Vetë Sali Berisha është tronditur i tëri nga regjistrimet me zë e figurë duke e quajtur çuditërisht SPAK organizatë kriminale dhe ndofta po mendon se dikush mund ti ketë injektuar ndonjë lloj droge që e ka katandisur deri më sot në ate dreq derexheje dhe fjalori të padenjë.

I gjithë lidershipi i PD në 23 Dhjetor do i kërkojë falje popullit dhe shtetit për çdo bëmë të zeze që i ka shkaktuar vendit duke filluar me prishjen e Qeverisë se Stabilitetit, nenin 24/1, privatizimet me formulën qyl në bordet partiake, zgjedhjet e përgjakura të Libofshës, grushtin e shtetit të 26 Majit '96, shpartallimin e shtetit në '97 ën, 14 shtatorin '98, 21 Janarin, hedhjen ne ere te shtyllave te tensionit te larte, qindra shishe molotove mbi policine dhe institucionet e shtetit, perdorimin e femijeve per te djegur godina partish, djegien e qendrave të votimit në 2019, sulmet mbi gardistët etj.

Bile nesër, në 23 Dhjetor 2024 do jetë surpriza më madhe e ndodhur ndonjeherë në historinë moderne të Shqiperisë. Burime të sigurta pranë PD bëjnë të ditur se lidershipi pëdëist ka vendosur të shesë vilat në Gjirin e Lalëzit dhe me ato miliona euro do përgatiten mijëra pako e dhurata për popullin e Tiranës e të gjithe Shqipërisë.

Qindra mijëra trëndafila do i shpërndahen njerëzve te thjeshtë të këtij vendi e bashke me dhurimin e pakove të bollshme do urohet çdo kalimtar i rrugës:

Gëzuar festat, na fal për çdo faj që kemi bërë, zoti qoftë me ty!/Marrë nga Facebook

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Rritet lehtë edhe inflacioni bazë, në nëntor arriti në 2.34%

Rritet lehtë edhe inflacioni bazë, në nëntor arriti në 2.34%

24 Dhjetor, 14:28