Kokaina, burg mikut të Shullazit, del nga qelia shefi i grupseksionit të PD (EMRAT)

ELBASAN-Gjykata ka ndryshuar masën e sigurisë për njërin nga gjashtë personat e arrestuar ditën e premte për trafik kokaine. Masa e sigurisë ka ndryshuar për Lavdosh Demajn, që është kryetar i Grupseksionit të Partisë Demokratike në Elbasan.

Ai ka në pronësi një lokal në lagjen Shënkoll, ku edhe është bërë shkëmbimi i kokainës, pas arrestimit u ndryshua masa e sigurisë dhe tani do të hetohet në detryim paraqitje, ndërsa pesë personat e tjerë që u arrestuan do të qëndrojë në burg pa afat.

Operacioni ku u sekuestruan 550 gr kokainë u finalizua pak ditë më parë në Tiranë dhe në Elbasan njëkohësisht ku u arrestuan gjashtë persona, pjesë e grupeve të Emiljano Shullazit në Tiranë dhe Çapjave në Elbasan. Gjyqtari që ka dhënë vendimin ishte Taulant Tafa.

Arrest me burg;
Klaudjo Trungu
Agron Qafa
Skender Pellumbi
Lorencio Gjini
Klajdi Gjeci

Detyrim paraqitje;
Lavdosh Demaj

Do të vijojnë që të hetohen në gjendje të lirë;
A. Ll.
O. O.
A.F.

Skema si funksiononin grupet;
Miku i Emiljano Shullazit, Klajdi Gjeçi ishte personi i cili drejtonte këtë rrjet. Bashkë me të u arrestuan edhe Klaudjo Trungu, bashkëpunëtor i grupit të Çapjave dhe Skënder Pëllumbi, Lorencio Gjini, Agron Qafa e Lavdosh Demaj, që sot u la në detyrim paraqitje. 

Ndërkohë që u vunë nën hetim në gjendje të lirë, i riu A. LL dhe dy vajza me iniciale O. O dhe A. F. Grupi i drejtuar nga Gjeçi shpërndante drogë në lagjet kryesore në Tirane, përfshirë Tiranën e Re, Stadiumin Dinamo dhe zonën e Bllokut.

Dy muaj hetime kanë mjaftuar që anëtarët e dy grupeve kriminale të bien në prangat e policisë, pasi kishin hyrë në një tratativë për të shitur kokainë tek një person. Por ky person ishte ishte një agjent i infiltruar, duke bërë rolin e blerësit të sasisë së kokainës.

TAG:
• grupi i shullazit
• Klajdi Gjeci
• Lavdosh Demaj
• capja