POP 5

Lajmet më të lexuara të 5 minutave të fundit

U arrestua sot me kokainë, kush është Klajdi Gjeci, miku i Emiljano Shullazit

Klajdi Gjeci

Klajdi Gjeci u arrestua sot me kokainë në Tiranë. Ai është një personazh i njohur për drejtësinë shqiptare. Report Tv zbardh disa prej ngjarjeve që është akuzuar Klajdi Gjeci ndër vite.

Në 18 janar 2018 ai u arrestua, pasi akuzohej si personi që i vendosi tritol në automjet një biznesmeni pranë Kodrave të Liqenit.

Në 2012 është arrestuar për armëmbajtje pa leje, ndërsa në 2015 për plagosje të rëndë me dashje, por në të dyja rastet çështjet janë pushuar.

Për armëmbajtjen pa leje 31-vjeçari u lirua pasi sipas vendimit, Policia nuk kishte marrë leje në Gjykatë për të hyrë në banesë, aty ku iu gjet edhe pistoleta.

Për plagosjen në maj të 2015, Klajdi Gjeci u lirua pasi personi i dëmtuar Enton Nushaj tërhoqi padinë. Ndërsa në dhjetor 2015 Klajdi Gjeci dyshohet se u mor peng nga 3 persona.

Të arrestuarit dhe vet Gjeci dhanë dëshmi të paqarta, çka solli edhe lirimin e tyre, pasi Klajdi Gjeci tha se nuk i njihte personat e arrestuar.

d.ba./Shqiptarja.com
Komento