Kokaina, droga më e famshme në
botë. Çfarë dini dhe nuk dini për të?

Kokaina është një prej stimuluesve më të vjetër, më të fuqishme dhe më të rrezikshme me origjinë natyrore.

Tre mijë vjet para lindjes së Krishtit, Inkasit e lashtë të Andeve, përtypnin kokainë për të bërë zemrën t’iu rrihte më fort dhe që të punonte më shpejtë për të luftuar efektet e ajrit që ishte i rralluar në malet ku jetonin.

Kokaina ishte nxjerrë nga gjethet e “koka” për herë të parë në 1859 nga kimisti gjerman Albert Niemann. Por ajo u  përhap në komunitetin mjekësor jo me parë se vitet 1880.

Psikoanalisti austriak Sigmund Freud, i cili e përdorte dhe vetë drogën, ishte i pari që promovoi  kokainën për të kuruar depresionin dhe impotencë seksuale.

Në 1884, ai botoi një artikull me titull “Über Coca” (Rreth kokainës) ku foli për “përfitimet” e kokainës, duke e quajtur atë një substancë magjike.

Në 1886, popullariteti i drogës ishte bërë edhe i madh dhe John Pemberton përfshiu në pijen Coca-Cola një përbërës të kokainës.

Personazhe të famshme si shpikësi Thomas Edison dhe aktorja Sarah Bernhardt promovonin efektet “magjibërëse” të tonikëve dhe eliksireve që kishin përbërës kokaine.

Por përdorimi i kokainës dhe rreziqet e përdorimit të saj në publik filluan të bëheshin të dukshme dhe presioni publik e detyroi Coca-Colën për të hequr përbërësit e kokainën nga pijet që në vitin 1903.

Në 1905, u bë popullore “thithja“ dhe pas pesë vitesh spitalet dhe literatura mjekësore filloi të raportojnë rastet e dëmtimit të hundës që rezultonte nga përdorimi i kësaj droge.

Në 1912, qeveria amerikane sinjalizoi 5000 vdekje nga kokaina brenda vitit, në vitin 1922 kokaina u ndalua zyrtarisht.

Në 1970, kokaina doli sërish në modë, dhe përdorej nga bota e spektaklit dhe biznesmenët.
 
Deri në fund të viteve ’80, kokaina nuk u konsiderua më si droga e të pasurve, por si droga më e rrezikshme që krijonte varësi, të çonte në varfëri, në kriminalitet dhe në vdekje.

Kokaina, sipas shkencës
Kokaina bën pjesë në grupin e drogave të njohura si “stimulantë”.
Kokaina nxirret nga gjethet e bimës koka (Erythroxylum coca), që gjendet në Amerikën e Jugut.

Çfarë pamjeje ka kokaina
Forma më e përhapur e kokainës është hidrokloridi i kokainës. Kjo është një substancë e bardhë-pudër kristaline e hidhur, mpirëse.
Hidrokloridi i kokainës më tej përpunohet për të prodhuar kokainën bazë të njohur si “freebase” dhe “crack”. “Freebase” është një pudër e bardhë, ndërsa “crack” në përgjithësi është në formë kristaline me ngjyrë nga të bardhë në krem ose transparente me pikëla rozë ose të verdhë.

Si përdoret
Hidrokloridi i kokainës më shpesh thithet me hundë. Ai edhe mund të injektohet. Disa njerëz e bashkojnë me çamçakëz, ku absorbohet e shkon në gjak. Të tjerë e shtojnë atë në pije ose ushqim. “Freebase” dhe “crack” zakonisht pihen si duhan.
 
Cilat janë efektet
Rritje të ndjenjës fëminore
Dehje
Tharje goje
Rritje e ritmit të frymëmarrjes
Rritje e të folurit ose ndjekje në qetësi të plotë ose ngazëllim
Ndjenjë për forcë të madhe fizike dhe kapacitet mendor
Rritje e libidos dhe zgjim seksual
Ndjenjë e mirëqenies
Ankth, axhetim dhe panik
Paranoja
Sjellje agresive të dhunshme të papritura
Ndjesi vigjilence, reduktim i nevojës për të fjetur
Rritje performance në detyra të thjeshta
Dhimbje koke
Rritje e presionit të gjaku-t dhe rrahjeve të zemrës 
Oreks i reduktuar
Rritje e temperaturës së trupit
Indiferencë për dhimbje dhe lehtësim i dhimbjeve lokale
 
Redaksia Online
Er.K/Shqiptarja.com