Mos miratimi i kodit të ri rrugor, po mban peng edhe nisjen e procesit të kontrollit teknik të automjeteve, që fillimisht u tha se do të niste në fund të muajit shkurt.
Kolaudimi kaloi nën përgjegjësinë e DPSHTRR, pas përfundimit të koncesionit me SGS Automotiv Albania në fund të vitit të kaluar. Me argumentin se zyrat ishin në gjendje të degraduar nuk mund të ofronin shërbim, si dhe nevoja për të marrë në dorëzim inventarët, DPSHTRR vendosi të zgjasë certifikatat e kontrollit teknik, që duhet të rinovoheshin por që nuk ishte e mundur për shkak të gjendjes së qendrave.
Afati i vlefshmërisë së kolaudimit për të gjithë drejtuesit e mjeteve u shty me 3 muaj, si dhe u pajisën me dokumentin e nevojshëm që të mos gjobiteshin nga policia.
Tashmë për shkak të mos zhvillimit të seancave plenare si pasojë e fushatës zgjedhore kanë mbetur në kuvend edhe ndryshimet në Kodin Rrugor që parashikojnë edhe afatet e reja për kontrollin teknik, e për pasojë mbetet peng edhe rifillimi i këtij procesi. Sipas informacioneve nga DPSHTRR qytetarët nuk do të gjobiten për aq kohë sa kolaudimi qëndron mbyllur, pasi ky proces nuk është në dorë të qytetarit.
Pak ditë më parë drejtori i këtij institucioni Blendi Gonxhja tha për Report TV se kolaudimi do të nisë menjëherë pasi të miratohen dhe dekretohen ndryshimet ligjore, por në kushtet aktuale, ku jemi përpara zgjedhjeve miratimi i Kodit rrezikon të shtyhet për në shtator, për shkak se pas zgjedhjeve Kuvendi mund të mblidhet vetëm për ngjarje të jashtëzakonshme, situata emergjente por nuk ka rend të mirëfilltë siç ka ndodhur përpara nisjes së fushatës elektorale.
Tashmë kontrolli teknik nuk do të kryhet çdo vit për mjetet personale, por një herë në dy vjet. Ndërsa makinat e reja nuk do të kryejnë kontroll teknik tre vitet e para nga data e regjistrimit. Përjashtim përbëjnë taksitë, autoambulancat, furgonët, autobusët dhe të gjitha llojet e kamionëve, pra mjetet e transportit të mallrave, të cilat do të kryejnë kontrollin teknik një herë në vit.
Komente
Lajme të tjera
-
Takimi i Ramës me pensionistët, Malaj: Po shqyrtojmë rritjen e bonusit të fundvitit, reformë në skemë! Gonxhe: 1/5-a e buxhetit shkon për to, 2-3 të punësuar për një pension
21 Tetor, 11:24 -
‘Expo Albania’ qendër e re për koncerte e panaire! Do ndërtohet në Farkë të Tiranës, 6 ha sipërfaqe, brenda edhe hotele me me 3-4 yje
14 Tetor, 17:55
-
‘Ma solle kafen si diversant’, Rama batuta me studentin në Elbasan: Mos je nga Gjirokastra ti?
20 Shtator, 19:05 -
Masterclass nga regjisori i njohur Mike Figgis, Shqipëria pret Javën Kulturore Britanike nga datat 16 deri më 22 shtator
15 Shtator, 12:39 -
Viti i ri shkollor, Gonxhja në shkollën 'Gjergj Canco': Kërkesa të larta për të gjitha drejtimet profesionale
9 Shtator, 19:48 -
Zgjedhjet 2025/ Drejtuesit politikë të PS! Veliaj, Spiropali e Manastirliu në Tiranë, ikën Klosi e Gjiknuri! Becit i besohet Shkodra, Sakos Durrësi! Balla përgjegjës për Diasporën
8 Shtator, 12:19 -
Nga mbrëmja me muzikë jazz, ekspozita kushtuar Van Gogh te workshop-i për lirinë e medias dhe shprehjes! Nis Java Kulturore Holandeze
7 Shtator, 17:51 -
Investigimi i Report Tv: Nëndeklarimi i pagave po rrezikon pensionet! Qeveria e pranon: Duhet disiplinim! (DEBATET)
16 Maj, 17:14
-
Investigimi i Report Tv për nëndeklarimin e pagave/ Gonxhja e pranon: Kemi shume probleme, rrezikohen pensionet
16 Maj, 13:53 -
70 kompani oferta punësimi në panairin tek Fakulteti Ekonomik, ministri: Adresojmë sfidat së bashku
23 Prill, 12:45 -
Autoriteti i Konkurrencës mbyll monitorimin e tregut të autoshkollave, nuk ka rritje të bashkërenduar çmimesh
23 Prill, 07:36 -
Hapet edicioni i 60-të i 'Biennale di Venezia', Shqipëria përfaqësohet nga artistja shqiptare Iva Lulashi
19 Prill, 17:53
Thjesht shtet i paafte.
Përgjigju