TIRANË- Këshilli i Ministrave ka miratuar sot marrëveshjen që i hapi rrugë sot ngritjes së Kampusit të Kolegjit të Evropës në Tiranë, me miratimin e marrëveshjes së nënshkruar në qershor të vitit të kaluar mes Ministres së Arsimit dhe Sportit, Ogerta Manastirliu dhe rektores së Kolegjit Evropian Federica Mogherini.
Ky është i pari kampus që hap dyert jashtë një vendi të Bashkimit Europian, ndërsa ministrja e Arsimit, Ogerta Manastirliu tha për mediat se qeveria shqiptare do të financojë 5 bursa vjetore për studentët shqiptarë.
Manastirliu u shpreh se ky Kolegj do jetë një mundësi e madhe jo vetëm për të rinjtë në Shqipëri, por edhe ata në vendet e rajonit. Sipas saj, kjo marrëveshje paraqet një mundësi të jashtëzakonshme për Shqipërinë për të rritur prezencën e saj në arsimin ndërkombëtar dhe për të forcuar më tej integrimit e programeve studimore me vendet anëtare të BE-së.
"Kemi miratuar marrëveshjen që bën të mundur hapjen e degës së Kolegjit të Europës në Tiranë. Do jetë i treti pas Bryzhit dhe Natolinit. Do i hapë studimet në këtë vit akademik. Qeveria është e angazhuar që përmes kësaj marrëveshje të iniciojë aspektet që kanë të bëjnë me ndërtimin e kampusit të Kolegjit të Europës, financon 5 bursa vjetore për studentët shqiptarë. Për herë të parë një filial i një universiteti prestigjioz hap degë në Shqipëri. Kampusi i Kolegjit të Europës do sjellë standardet të njëjta, duke u bërë vendi i tretë që hap këtë degë. Është një mundësi e madhe për studentët të rinjtë, por edhe ata të rajonit. Aplikimet për ciklin e studimeve 4024-2025 janë realizuar", tha Manastirliu.
Kampusi i Kolegjit të Evropës në Tiranë do të ofrojë një program akademik të në standarde evropiane për studentët dhe profesionistët nga Shqipëria, rajoni i Ballkanit Perëndimor, Bashkimi Evropian, dhe më gjerë dhe do të hapë ciklin e studimeve duke filluar nga ky vit akademik.
Ai u përurua më 16 tetor, ditën që në Tiranë u mbajt edhe samiti i Procesit të Berlinit, ku e pranishme ishte edhe presidentja e Komisionit Evropian Ursula Von Der Leyen. Ky kampus jo vetëm ngre në një tjetër nivel sfidën për ndërkombëtarizimin e universiteteve tona, por krijon edhe mundësinë për një mësim më të thelluar për vetë Bashkimin Europian dhe rrugëtimin drejt tij.
Pas akuzave të Luiza Gegës se i janë mohuar disa shpërblime, ministrja e Arsimit Ogerta Manastirliu tha pas mbledhjes së Këshillit të Ministrave se kampionia e Europës është mbështetur gjithmonë.
Ministrja tha se atletja në dy vitet e fundit ka marrë 13 shpërblime në 10 gara ndërkombëtare dhe se do vijojnë ta mbështesin.
“Qeveria shqiptare dhe ministria është e angazhuar në mbështetjen e sportistëve elitarë, e kemi treguar jo vetëm për kampionin tonë, mbështetjen sa i takon sistemit të shpërblimeve të miratuara. Përtej shpërblimeve, sportistët janë edhe të mbështetur nga aspektet në ligjin e sportit, por edhe mbështetje direkte në trupat e FA. Do e mbështesim në garat ku ka patur arritje të larta. Gjatë vitit 2022-2023, 13 shpërblime. Do e vlerësojmë, siç e kemi vlerësuar gjithmonë”, tha ministrja.
Sipas Gegës shpërblimet nuk janë dhënë, pasi nuk ka patur kontrolle dopingu, ndërsa gjithsesi ato janë njohur nga Federata Ndërkombëtare e Atletikës.
Lajme të tjera
-
Dy ditët e fundit të hetimorit të shëndetësisë! Të hënë dhe të martë dëshmojnë ministra dhe ish ministra, pritet ardhja e Ilir Beqajt nga burgu
19 Tetor, 15:45 -
Qeveria ligj të ri për kërkimin shkencor/ PD: Qeveria po e centralizon! Manastirliu: Nuk preket autonomia e Universiteteve në shkencë
9 Tetor, 16:51 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Manastirliu inspekton shkollën ‘Hasan Prishtina’ në Tiranë: 300 shkolla të pajisura me laboratorë
4 Tetor, 12:39 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Paketa e Sigurisë/ Ministri Hoxha: Mbikqyrim shkollat me kamera sigurie, me 'SmartCity' monitorimi do jetë me inteligjencë artificiale
30 Shtator, 12:51 -
Manastirliu: 500 shkolla Qendra Komunitare, forcojmë bashkëpunimin mes shkollës dhe komunitetit kundër fenomeneve negative
30 Shtator, 12:08 -
Liceu Artistik 'Jordan Misja' dhe Shkolla Koreografike në Tiranë me status! Kanë autonomi menaxheriale dhe financiare
21 Shtator, 15:15 -
PS e Tiranës mbledh Asamblenë! Ndahen detyrat e Veliajt, Spiropalit dhe Manastirliut! I pranishëm edhe Rama, ja porositë
14 Shtator, 17:50 -
240 oficerë të angazhuar për sigurinë në shkolla, Rama: Janë syri dhe veshi i prindit, duhet të njohin me emër çdo fëmijë
13 Shtator, 11:32 -
Siguria në shkolla/ Ministria e Arsimit: Kemi shtuar 40 oficerë të rinj sigurie dhe u rritëm pagat 20%, 240 shkolla të ruajtura dhe 733 incidente më pak se vjet
13 Shtator, 10:56 -
Qeveria synon revolucionin teknologjik, 216 laboratorë të rinj në shkolla! Rama nga ‘Vaçe Zela’: Brenda dy vitesh ‘Smart Lab’ në të gjitha shkollat
11 Shtator, 14:51
