POP 5

Lajmet më të lexuara të 5 minutave të fundit

Politikë

Kolegji Zgjedhor 'vulos' edhe Qarkun Tiranë, rrëzohet ankimi i PD-së për pavlefshmëri të 25 prillit në kryeqytet! Nuk pranohet edhe kërkesa për përjashtimin e 7 gjyqtarëve

Pas Beratit, Gjirokastrës dhe Korçës, qarku i më i rëndësishëm në vend ka mbyllur procesin e ankimeve pas zgjedhjeve të 25 prillit. Me refuzimin e kërkesës së PD për pavlefshmëri Kolegji Zgjedhor  'vulosi' sot edhe rezultatin e Qarkut Tiranë, që bëhetv kështu i katërti nga 9 qarqe të ankimuara në Kolegj. 

TIRANË-Pas Beratit, Gjirokastrës dhe Korçës, qarku i më i rëndësishëm në vend ka mbyllur procesin e ankimeve pas zgjedhjeve të 25 prillit. Me refuzimin e kërkesës së PD për pavlefshmëri Kolegji Zgjedhor  'vulosi' sot edhe rezultatin e Qarkut Tiranë, që bëhet kështu i katërti nga 9 qarqe të ankimuara në Kolegj. 

Gjithashtu më herët Kolegji Zgjedhor ka rrëzua kërkesën e PD për përjashtimin 7 gjyqtarëve, nga 8 që janë në total, nga procesi i shqyrtimit të padive për 25 prillin.

Kujtojmë se më herët gjatë ditës së sotme, përfaqësuesi ligjor i PD-së, Marash Logu e quajti mbledhjen e Kolegjit Zgjedhor për të velrësuar kërkesën për përjashtimin e 7 gjyqtarëve si "urgjencë të paparë".

“Me urgjencë të paparë, sot në 08:30, Kolegji Zgjedhor ka vendosur të shqyrtojë kërkesën e Partisë Demokratike për përjashtimin e 7 gjyqtarëve (nga tetë) për shkak të cënimit të së drejtës për një gjykim të drejtë dhe të paanshëm. Shpresoj shumë që 7 gjyqtarët e Kolegjit nuk do t'i shkojnë deri në fund paligjshmërisë, duke gjykuar vetë mbi një kërkesë për përjashtimin e tyre (gjyqtarë të vetes). Ky do të ishte një akt unik në historinë e jurisprudencës botërore”, shkruajti Logu.

Partia Demokratike kërkoi dje përjashtimin e 7 nga 8 gjyqtarët e Kolegjit  nga procesi i shqyrtimit të padive të saj për zgjedhjet e 25 prillit, pasi kanë vulosur rezultatin në 3 qarqe të vendit në Berat, Vlorë e Gjirokastër. PD kërkon përjashtimin e gjyqtarëve Alma Kolgjoka, Asim Vokshi, Emona Muçi, Esmaralda Çika, Gentjan Medja e Manjola Xhaxho dhe Sokol Ibi. Në një kërkesë drejtuar Kolegjit Zgjedhor, PD pretendon se këta gjyqtarë nuk garantojnë paanshmëri në gjykim për 6 paditë e tjera që pritet të shqyrtohen brenda këtyre ditëve. 

Kujtojmë se 8 gjyqtarët e Kolegjit Zgjedhor u përzgjodhën me short, ku emrat e pretendentëve u futën në gogla dhe u tërhoqën një e nga një përpara kamerave, përfaqësive politike, gjyqtarëve e ndërkombëtarëve. Në total ishin 16 kandidatë, mes të cilëve, u përzgjodhën vetëm 8.

Rendit zhvillimet sipas orarit:
Ora 11:52
Ankimi për rezultatin e zgjedhjeve në qarkun e Tiranës, Kolegji Zgjedhor rrëzon kërkesën e PD për prova shtesë

Kolegji Zgjedhor ka rrëzuar sot kërkesën e PD-së për prova shtesë në qarkun e Tiranës, me arsyetimin se është e pambështetur në ligj e prova. Vendimi u mor në mbledhjen e zhvilluar ditën e sotme. 

Ora 10:43
Kërkuan përjashtimin e 7 gjyqtarëve nga 8 në total, Kolegji Zgjedhor rrëzon PD

Kolegji Zgjedhor ka rrëzuar sot kërkesën e PD për përjashtimin 7 gjyqtarëve, nga 8 që janë në total, nga procesi i shqyrtimit të padive për 25 prillin.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Komisioni Hetimor për Shëndetësinë/ Vokshi-mazhorancës: Keni sjellë planin e hetimit të Ilir Beqajt dhe kërkoni ta miratojmë me forcën e kartonit

Komisioni Hetimor për Shëndetësinë/ Vokshi-mazhorancës: Keni sjellë planin e hetimit të Ilir Beqajt dhe kërkoni ta miratojmë me forcën e kartonit

25 Prill, 13:36