POP 5

Lajmet më të lexuara të 5 minutave të fundit

Politikë

Rrëzuan ankimimet për zgjedhjet në 3 qarqe, PD kërkon përjashtimin e 7 gjyqtarëve të Kolegjit Zgjedhor: S’garantojnë paanshmëri për 6 paditë e tjera

Partia Demokratike ka depozituar sot në Kolegjin Zgjedhor një kërkesë për përjashtimin e 7 gjyqtarëve, të cilët morën vendimin për rrëzimin e ankimimeve  të PD për rezultatin e zgjedhjeve në tre qarqe, përkatësisht Berat, Vlorë e Gjirokastër.

Rrëzuan ankimimet për zgjedhjet në 3 qarqe, PD kërkon përjashtimin e 7 gjyqtarëve të Kolegjit Zgjedhor: S’garantojnë paanshmëri për 6 paditë e tjera

Teksa Kolegji Zgjedhor ka vulosur zgjedhjet në 3 Qarqe të vendit, Berat, Vlorë e Gjirokastër duke rrëzuar kërkesat e opozitës si të pabazuara në prova dhe ligj, Partia Demokratike kërkon përjashtimin e 7 nga 8 gjyqtarët e Kolegjit  nga procesi i shqyrtimit të padive të saj për zgjedhjet e 25 prillit.

PD kërkon përjashtimin e gjyqtarëve Alma Kolgjoka, Asim Vokshi, Emona Muçi, Esmaralda Çika, Gentjan Medja e Manjola Xhaxho dhe Sokol Ibi.

Në një kërkesë drejtuar Kolegjit Zgjedhor, PD pretendon se këta gjyqtarë nuk garantojnë paanshmëri në gjykim për 6 paditë e tjera që pritet të shqyrtohen brenda këtyre ditëve.

"Partia Demokratike ka kërkuar përjashtimin e 7 prej 8 gjyqtarëve e Kolegjit Zgjedhor, që kanë rrëzuar paditë për Gjirokastrën, Vlorën dhe Beratin. Me vendinet e dhëna deri tani, këta gjyqtarë, njësoj si komisionerët politikë të KAS, refuzojnë transparencën mbi masakrën zgedhore te 25 prillit. Refuzimi i i kërkesave të PD për marrjen zyrtarisht të provave i vendos këta gjyqtarë në pamundësi për të gjykuar me paanësi 6 kërkesat e tjera të ngjashme te PD për blerjen e votës dhe deformimin e rezultatit të zgjedhjeve përmes përdorimit të shtetit në funksion të PS. Në kërkesën për zëvendësimin e 7 gjyqtarëve të Kolegjit Zgjedhor, PD argumenton se duke qenë se këta gjyqtarë e kanë shprehur tashmë mendimin e tyre kundër kërkesave të PD për zgjedhjet, ata do të vazhdojnë me të njëjtin qendrim. Kjo bën që vendimet e tyre për 6 paditë e tjera të PD të jenë të paracaktuara, në shkelje të Kushtetutës dhe Kodit Zgjedhor për një proces të paanshëm. PD vlerëson se vazhdimi i ankimimeve me të njëjtën trupë zgjedhore, e cila është shprehur 3 herë me radhë  kundër kërkesës së PD për transparencën e zgjedhjeve, është në shkelje të parimeve themelore të Gjykatës së Strasburgut për dhënien e drejtësisë", thuhet në deklaratën e PD.

Kujtojmë se 8 gjyqtarët e Kolegjit Zgjedhor u përzgjodhën me short, ku emrat e pretendentëve u futën në gogla dhe u tërhoqën një e nga një përpara kamerave, përfaqësive politike, gjyqtarëve e ndërkombëtarëve. Në total ishin 16 kandidatë, mes të cilëve, u përzgjodhën vetëm 8.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zjarret në aeroplanët e transportit të mallrave, dyshohet se u organizuan nga Moska

Zjarret në aeroplanët e transportit të mallrave, dyshohet se u organizuan nga Moska

5 Nëntor, 22:12