Mazhorana ka reaguar pas vendimit të Kolegjit Zgjedhor që përmes rrëzimit të kërkesës së Idajet Beqirit për të çregjistruar partinë e tij, Uniteti Kombëtar nga zgjedhjet, dha edhe verdiktin mbi dekretin e Presidentit Ilir Meta për të anuluar 30 qershorin, duke e shpallur atë të paligjshëm.
Kryetari i grupit të PS-së, Taulant Balla shprehet se me vendimin e Kolegjit Zgjedhor tashmë gjithcka është e qartë dhe se zgjedhjet do të mbahen të dielën e ardhshme. “Tani është e qartë! Zgjedhjet Lokale do të mbahen në 30 qershor! Të gjitha palët duhet të respektojnë Kolegjin Zgjedhor të Shqipërisë”-thuhet në reagimin e Taulant Ballës.
Ndërsa gjatë një takimi në Elbasan theksoi se "30 Qershori është dita e sovranit, është dita kur sovrani vendos, partitë heshtin dhe presin verdiktin e sovranit. Kushtetuta në nenin 2/1 parashikon se sovraniteti në Republikën e Shqipërisë i përket popullit.
Këtë sovranitet populli e ushtron në mënyrë të drejtpërdrejtë ose nëpërmjet të zgjedhurve të tij. Tentativa për t’i mohuar sovranit të zgjedhë dështoi dhe më 30 Qershor populli do të zgjedhë përfaqësuesit e tij për mandatin e ri katër vjeçar të pushtetit vendor" tha ai.
Një ditë plot bereqet e ka konsideruar kandidati socialist për Bashkinë e Tiranës, Erion Veliaj të hënën e sotme. Jo vetëm për shkak të shiut dhe freskisë së kohës në këto ditë vere, por edhe për shkak të drejtësisë që vendosi Kolegji Zgjedhor i cili rrëzoi me votë unanime 5 me 0 dekretin e Presidentit të Republikës me anë të të cilit ai kërkoi të anulojë zgjedhjet e 30 qershorit.
“Një ditë me bereqet për drejtësinë dhe për demokracinë në Shqipëri. 5 me 0. Gjyqtarë të emëruar nga Saliu, gjyqtarë të emëruar nga Ilir Meta, jo gjyqtarët e reformës së re në drejtësi. Ata s’i kemi parë akoma, por edhe gjyqtarët e emëruar nga ata vetë arrijnë të kuptojnë se nuk mundet demokracia të jetë një sport që ndryshon sipas oreksit të presidentit”, tha kandidati socialist Erion Veliaj.
Nga njësia 9 ku ai vijoi fushatën e Veliaj theksoi se vendimi i Kolegjit Zgjedhor konfirmoi se çdo gjë ka një afat, ashtu si edhe zgjedhjet që duhet të bëhen një herë në katër vite. “Çdo gjë në këtë botë ka afat. Çdo gjë në këtë botë ka një vakt, çdo gjë në këtë botë ka një datë, ka një orë. Mikut tim, rivalit tonë të respektuar pas 9 muajsh duhet të vinte djali; dikush që ka vënë gjellën në zjarr, byrekun në tavë, në furrë , pas një moment të caktuar duhet të dalë nga furra; kush po zë kos, duhet ta hapë se ndryshe prishet; kush kishte provimet sot të maturës duhej të paraqitej në provime se ndryshe nuk kalon dot maturën, nuk shkon në universitet; kush punon nëpër fusha, nëpër ara duhet të korrë produktin se ndryshe kalbet. Askush prej nesh nuk mund të thotë: Ou, nuk jemi gati”, tha Veliaj.
Zëdhënësja e qeverisë, Elisa Spiropali reagoi pas vendimit të Kolegjit Zgjedhor që e shpalli të paligjshëm dekretin e Presidentit Meta për anulimin e zgjedhjeve, përmes rrëzimit të kërkesës së Idajet Beqirit të Unitetit Kombëtar për tu çregjistruar nga zgjedhjet.
"Ai momenti kur Ilir Meta nuk ndikon dot më mbi trupin gjykues dhe flet për skeç të orkestruar, fiks si ai momenti kur agresori bën viktimën duke folur për kurth të organizuar nga viktima!", shkruan Spiropali.
Ishte Tedi Blushi, zëdhënësi i presidentit llir Meta që tha se vendimi i Kolegjit nuk ishte një skeç i orkestruar prej kohësh.
Lajme të tjera
-
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Kryeparlamentarja Spiropali dhe 20 homologe nënshkruajnë deklaratën e përbashkët 'Kthejini Zërin Grave Afgane': Nuk do i braktisim kurrë, mbrojtje nga regjimi Taleban!
25 Nëntor, 18:45 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
'Mbi 100 mijë çekë po vijnë për turizëm në Shqipëri', Kryetarja e parlamentit çek vizitë zyrtare në Tiranë, takon Spiropalin
25 Nëntor, 13:15 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Dita e Alfabetit, Kuvendi i Shqipërisë i dhuron Muzeut fotot e ditëve të Kongresit të Manastirit! Spiropali reciton 'Gjuha shqype' të Gjergj Fishtës
21 Nëntor, 19:03 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08
