POP 5

Lajmet më të lexuara të 5 minutave të fundit

Sport

'Kombetarja hyri në fushë për të mos humbur', Josa: Nuk pres të luajë ndryshe as kundër Lituanisë

Trajneri i futbollit dhe ish-futbollisti i Kombëtares Mirel Josa thotë se Kombëtarja ia arriti qëllimit me Kazakistanin, pasi hyri në fushë për të marrë një pikë.

Mirel Josa, ish-futbollist i Kombëtares dhe aktualisht trajner futbolli, mendon se kuqezinjtë në ndeshjen kundër Kazakistanit hynë në fushë për të marrë një barazim. Sipas tij ndeshja e së dielës jo më kot përfundoi 0-0.

“U bë një lojë ku të dyja skuadrat u munduan të mos humbnin,”-tha ai.

Për Report Tv Mirel Josa tha se mendron ndryshe nga analistët e futbollit, të cilët shprehen se kombëtares i mungon grinta.

“Dëshira për të vrapuar varet nga kondicioni që ka çdo lojtar. Pra nuk është problem se nuk ka dëshirë, por është te kondicioni që kanë lojtarët dhe në çfarë periudhe jemi duke luajtur në këtë momente,”-deklaroi ai.

I pyetur nëse patën ndikim 5 futbollistët e lënë jashtë grumbullmit nga Reja, si Hysaj, Cikalleshi, Roshi, Balaj dhe Sadiku, Josa përgjigjet:

“Nëqoftëse trajneri nuk i ka grumbulluar këtë lojtarë për arsye disiplinore dhe mendon se kanë thyer rregullat atëherë mirë ka bërë që nuk i ka marrë.”

Josa pret që në ndeshjen e së mërkurës kundër Lituanisë Kombëtarja do të bëjë të njëjtën lojë si me Kazakistanin.

“Të gjithë skuadrat kanë nga katër pikë. Do të jetë prap një ndeshje e kujdesshme nga të dy skuadrat. Lituaninë do kërkojë të ndërtojë më tepër, ndërsa ne të godasim në mënyra të ndryshme. Unë mund të them se do të jenë një ndeshje e ngjashme me atë të Kazakistanit,”-u shpreh Josa. 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46