Deputeti i PS Lavdrim Krashi i ftuar në “Studio Live” në Report Tv me gazetarin Arbër Hitaj ka komentuar disa nga zhvillimet kryesore politke.
Ndalur te rezoluta e Komitetit Ndërparlamentar të Stabilizim-Asocimit në Parlamentin Europian, Krashi tha se mesazhi ishte i qartë për të rikthyer normalitetin në Kuvend, që në fakt më shumë duket si një shuplakë për Rithemelimin.
“Kërkohet dialog më i madh politik nga të gjitha rrafshet. Ishte propozuar nga PE por që u pranua nga ne. Të gjitha ishin propozime të bëra një pjesë nga PS dhe një pjesë nga opozita”, tha deputeti.
Një koment pati edhe për deklaratën e Pandeli Majkos i cili nga Brukseli tha se mazhoranca është e gatshme të diskutojë lidhur me kërkesat e opozitës për çështjen e ngritjes së komisioneve parlamentare.
“Zoti Majko prej të gjithë politikanëve nuk mendoj se do thoshte një fjalë që nuk është serioze. Patjetër që PS, nuk është fshehur asnjëherë prej dialogut. Ne nuk kemi as kushte dhe as parakushte për dialog. Pala tjetër paraqitet me kushte. Shpresoj që t'i thërrasin mendjes. Jemi të hapur për të diskutuar për çdo gjë. Edhe opozita e ka kuptuar se mënyra si i zhvillon ajo seancat parlamentare dhe të komisioneve nuk e çon gjëkundi. Ne kemi një shprehje, zemërohu dhe ha. Pra zemërohu dhe diskuto”
Ndalur te propozimet e PD për Reformën Zgjedhore, Krashi tha se 'Shqipëria një zonë zgjedhore, nuk është zgjidhja më e mirë'.
“Vota e emigrantëve është detyrim. Nuk ka se çfarë diskuton komisioni ad hoc. Lidhur me Shqipërinë një zonë zgjedhore është diçka që duhet diskutuar në detaje. Mendoj se ndarja e Shqipërisë në një zonë elektorale favorizon paritë e vogla. Shpresoj se opozita që e propozon këtë të mos e mendojë veten si parti të vogël. Sot themi se kemi 1.5 milion shqiptarë që jetojnë jashtë Shqipërisë. Shqipëria një zonë zgjedhore, nuk është zgjidhja më e mirë”.
Krashi hedh poshtë ngritjen e një komisioni për të kontrolluar SPAK. Ai tha se do të dilte kundër një nisme të tillë.
“PS e ka treguar me vepra që nuk ka frikë nga SPAK. Para disa muajsh bisedat ishin pse SPAK po godet vetëm majtas. Organet e drejtësisë janë të pavarura s’kanë lidhje me politikën. Detyra e politikës është jashtë tyre”, tha Krashi.
“S’di të ketë gjë konkrete. Është spekulim. Nëse do kërkohet për të pasur komisione parlamentare për të parë punën e SPAK apo të organeve të tjera të pavarura do thoja se është një sjellje krejtësisht jo parlamentare dhe nuk do ta mbështesja. Të mos harrojmë se këto institucione raportojnë në kuvend. Ne jemi republikë parlamentare por jo kontrolluese”, shtoi ai.
Sa i përket ndryshimeve në qeveri, e konkretisht ministrisë së shtetit për administratën publike dhe anti korrupsionin, Krashi tha se do të shërbejë edhe për të orientuar SPAK se ku të investigojë.
“Si drejtori anti-korrupsioni ka ekzistuar. Puna e luftës kundër korrupsionit është njësoj si auditimi. Për mua SPAK po bën një punë të shkëlqyer sa i përket ndëshkimit apo luftës për të ndëshkuar. Kjo ministri do shërbejë për të orientuar SPAK se ku të investigojë”.
Sipas Krashit 7 ministri në kabinet qeveritar janë shumë, ndërsa shtoi se mund të bashkohen.
“Unë mendoj se 7 ministri janë shumë për Shqipërinë. Të tjerat mund t'i bashkosh. Atje janë bashkuar tre fusha të përgjegjësisë për një person i cili ndonëse nuk vjen strikt nga radhët te PS, por PS ka kohë që është hapur dhe është pranuese për çdolloj njeriu. Do shërbejë për të orientuar SPAK se ku të investigojë”.
Lajme të tjera
-
Dosja/ 'Me Bajrët je në burg, ose varr! Mos i ki besë policëve!’ Si e paralajmëroi Suel Çela ‘gjahtarin’ Prekë Kodra dhe çfarë i premtoi
27 Nëntor, 17:40 -
Buxheti 2025 drejt Parlamentit! Para shtesë për 21 institucione, shtohen shpenzimet me 23 mln euro! KQZ-së i japin 690 mln lekë shtesë për zgjedhje
27 Nëntor, 17:10
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Kërkoi lehtësimin e masës, GJKKO lë përsëri në 'arrest shtëpie' nënkryetarin e Bashkisë Tropojë! Edhe kryebashkiaku Byberi në të njëjtën dosje, 3 akuza (VENDIMI)
27 Nëntor, 16:32 -
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47 -
SPAK çon në GJKKO dosjen e deputetit PS Plarent Ndreca dhe 15 ish-zyrtarëve të Ministrisë së Brendshme! Dyshime për shkelje në tenderët e vitit 2019 (SKEMA+EMRAT)
27 Nëntor, 13:58 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
DOSJA / Suel Çela rekrutoi edhe gjyqtaren e Tik-Tokut Enkeleda Kapedanin, si ia mbylli dosjen kriminale, i ofroi një makinë 40 mijë euro! Gjyqtarja: Kam respekt për të
27 Nëntor, 11:04 -
Gjykata e Fierit sekuestron mbi 1 mln euro pasuri të financuesit të laboratorit të kokainës në Frakull! Dhjetëra apartamente në Tiranë e Durrës (EMRI+LISTA)
27 Nëntor, 10:46 -
Gazetarët Artan Hoxha dhe Elton Qyno shkojnë në SPAK! Iu vendos masa 'detyrim paraqitje', pas dyshimeve për lidhje me bandën e Suel Çelës
27 Nëntor, 09:50 -
Dosja e Suel Çelës, Meçe në ‘Repolitix’: Lidhjet me Artan Hoxhën, manipuloi hapësirën mediatike në shërbim të grupit kriminal! Mori zarfin në dorë
26 Nëntor, 22:10 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
