Në Komisionin e Medias, sot u zhvillua seancë dëgjimore me kandidatët për anëtarë të Këshillit Drejtues të Radiotelevizionin Shqiptar, pas shkarkimit nga Kuvendi të këshillit që ishte në detyrë pak kohësh.
Sot prezantuan platformën e tyre 23 kandidatë, ndërsa 309 të tjerë do të dëgjohen nesër. 3 kandidatë që ndodhen jashtë shtetit do të kenë mundësi ta paraqesin programin e tyre online.
Mes emrash të pranishëm në dëgjesë ishin personalitet nga bota e artit, juristë, teknikë ekonomistë etj. Disa prej tyre janë edhe persona me karrierë të gjatë në RTSH, si Edmond Zhulali, Alfons Zenelaj, Bardhyl Sejdarasi, Ermal Mulosmani, apo edhe vajza e skulptorit Odhise Paskali.
Theksin, kandidatët e vunë tek nevoja për një frymë të re nga RTSH, digjitalizimi, pavarësia politike por edhe nevoja për sa më shumë programe në dobi të publikut.
Një prej kandidatëve për anëtar të Këshillit Drejtues të RTSH-së, Agim Bajko tha se “periudha 20-vjeçare në median e shkruar e elektronike janë një bagazh mjaft i çmuar për këtë post për të cilin kandidoj”.
Ndërsa kandidati tjetër Alfons Zeneli u shpreh se “kontributi im në këtë këshill do të jetë efikas për shkak të eksperiencës së gjatë që kam në RTSH duke pasur parasysh gjithë ato kanalet, labirintet sesi funksionojnë punët në televizion”.
Duke folur për arsyet e kandidimit për anëtar të Këshillit Drejtues të RTSH-së, Alket Braho theksoi se “besoj se i përmbush kriteret në aspektin formal, por nuk është se kjo arsyeja domethënëse”. “Besoj se me formimin tim profesional mund të jap kontributin tim të rëndësishëm për transmetuesin publik në Shqipëri. RTSH ka pasur dhe duhet të ketë një rol të rëndësishëm në informimin e publikut dhe edukimin e qytetarëve dhe promovimin e traditave tona të kulturës dhe identitetit kombëtar”, u shpreh ai.
Kandidati Arben Derhemi tha se “disa prej pikave kryesore që mendoj se duhet të ndryshojnë në RTSH janë pika që kanë të bëjnë me artin kulturën filmin në përgjithësi, prodhimin nga ana e një të televizioni të tillë, që duhet të japë llogari për një publik të tërë dhe paanësinë politike, profesionale të atij televizioni. Një pikë tjetër është zhvillimi i atij televizioni nga ana e cilësisë së programeve, të cilët edukojnë një popull të tërë dhe një rini të tërë, të cilën duhet ta kemi shumë parasysh se është një televizion që në fund të fundit jep llogari para një publiku të tërë, ndaj quhet RTSH”.
Anila Varfaj, një tjetër kandidate për anëtare e Këshillit Drejtues të RTSH-së tha se “RTSH ka disa mangësi, pasi politika editoriale deri diku ka qenë jo gjithëpërfshirëse. Një ndër gjërat do theksoja nevoja për të qenë spektri i humorit, digjitalizimi dhe së treti doja të ndaloja tek një aspekt i pakundërshtueshëm që është orkestra e RTSH, e cila mund të bëjë që ky institucion të njihet jo vetëm institucionalisht, por edhe ndërkombëtarisht”.
Seanca dëgjimore me kandidatët e tjerë për anëtarë të Këshillit Drejtues të RTSH do të zhvillohet ditën e nesërme.
Komente
Lajme të tjera
-
Zgjidhen kryetari dhe anëtarët e Këshillit Drejtues të RTSH-së! Fatjon Hoxhalli në krye, ja sa vota morën në Parlament! (EMRAT+DETAJET)
17 Mars, 15:00 -
Seanca e fundit para 11 majit/ Kuvendi boshatiset nga deputetët e opozitës, Kukësi ‘përplas’ PD-PS! Miratohet ngritja e Bankës Shqiptare të Zhvillimit
17 Mars, 07:05
-
Kuvendi/ Të hënën seancë maratonë me 25 pika, do zgjidhen anëtarët dhe kryetari i Këshillit Drejtues të RTSH! Diskutohet dhe Banka e Zhvillimit (RENDI+EMRAT)
15 Mars, 15:33 -
Sali Berisha, si e përdori funeralin e Azem Hajdarit për të pushtuar RTSH-në! Atë ditë më morën peng! Dëshmia e Martin Lekës në Esencë
14 Mars, 21:55
-
Riformatohet Këshilli Drejtues i RTSH! EMRAT e përzgjedhur votohen të enjten
11 Mars, 14:54
-
Mbyllet afati për kandidaturat e Këshillit Drejtues të RTSH-së, Report Tv zbardh listën me 68 EMRA! Figura të njohura të kinemasë, artit dhe medias, luftohet për 11 vende
8 Mars, 19:09 -
Kuvendi i shkarkoi/ Report Tv siguron listën me 55 kandidatë për Këshillin Drejtues të RTSH
4 Mars, 12:29
-
Dorian Matlija: Ku gabon kryeministri me rastin Gëllçi
26 Shkurt, 20:04
-
Strasburgu i dha të drejtë, Rama lexon vendimin për Gëllçin: Nuk kishte prova që mund të arratisej! Drejtësia të jetë e pavarur, jo të marrë njerëz nga rruga e t’i paraburgosë
26 Shkurt, 09:56 -
Lutfi Dervishi: Lista e turpit, nga SPAK në Gjykatën Kushtetuese
25 Shkurt, 15:48
-
Ish-drejtori i RTSH, Thoma Gëllçi fiton në Strasburg! Gjykata Europiane: SPAK e mbajti në paraburgim pa prova të mjaftueshme, s'u shqyrtuan masa më të lehta sigurie
25 Shkurt, 12:12 -
U shkarkuan në bllok, Kuvendi hap garën për këshillin e ri drejtues të RTSH (Me mandat të plotë)
18 Shkurt, 13:07
