Komisioni i Venecias ka shqyrtuar sot, më 6 Dhjetor 2024, çështjen e mandatit të deputetes socialiste Olta Xhaçkës, në përputhje me kërkesën e parashtruar nga Kryetarja e Kuvendit të Shqipërisë. Opinioni për këtë çështje është miratuar nga Komisioni dhe, sipas rregullave dhe procedurave të tij, do të publikohet në ditët në vijim, thuhet në komunikatën zyrtare të Kuvendit.
Deri në momentin e publikimit, ruajtja e konfidencialitetit të dokumentit do të vijojë të respektohet nga Kryetarja e Kuvendit, në përputhje me detyrimet që përcaktohen në rregullat e punës së Komisionit të Venecias.
'Opinioni i kërkuar nga Kryetarja e Kuvendit, me shkresën nr. 3457, datë 13.09.2024, është miratuar nga Komisioni i Venecias, në mbledhjen e mbajtur sot më datë 6 Dhjetor, në Venecia, Itali.
Ky Opinion do të botohet nga Komisioni i Venecias, sipas rregullave dhe procedurave të aplikueshme prej tij.
Deri në datën e publikimit, Kryetarja e Kuvendit, në cilësinë e kërkueses së këtij opinioni, do të vijojë të respektojë ruajtjen e konfidencialitetit të dokumentit në fjalë, siç ka bërë deri më sot, në zbatim të detyrimeve që përcaktohen në rregullat e punës së Komisionit të Venecias.', thuhet në njoftimin zyrtar të Kuvendit.
Ndërkohë, PD akuzoi sërish kryeparlamentaren Elisa Spiropali për mbajtjen e fshehtë të opinionit të Venecias për mandatin e deputetes socialiste Olta Xhaçka dhe përjashtimin e opozitës nga ky proces.
“Mbajtja e fshehtë e draft opinionit të Komisionit të Venecias që është miratuar sot, apo përjashtimi i opozitës nga ky proces, ka pasur si qëllim pikërisht dezinformimin e opinionit publik përmes prodhimit të lajmeve të pavërteta të sajuara nga Kryetarja e Kuvendit dhe me fjali të nxjerra jashtë kontekstit të opinionit të Komisionit të Venecias", thuhet në reagimin e PD.
Kryetarja e Kuvendit Elisa Spiropali ishte sot e pranishme në sesionin e Komisionit të Venecias, ku mbajti dhe një fjalim në të cilën shprehu mirënjohjen e saj për anëtarët e Gjykatës së Venecias edhe për bashkëpunimin me Kuvendin e Shqipërisë.
Kërkesa u përcoll në shtator të këtij viti nga Spiropali drejtuar Presidentes së Komisionit të Venecias, Claire Bazy Malaurie pas votimit të socialistëve në seancën e 13 shtatorit 2024 ku me votë deputetët socialistë penguan për herë të tretë kalimin në Gjykatën Kushtetuese të çështjes së mandatit të deputetes socialiste, ish Ministres së Jashtme Olta Xhaçka. Në ndryshim nga dy rastet e mëparshme, socialistët në atë seancë abstenonin në shumicë (65 vota) dhe vetëm 9 votuan kundër. Ndërkohë një mision faktmbledhës u caktua nga komisioni për të dëgjuar palët.
Opinioni nga Komisioni i Venecias kërkohet për të qartësuar sjelljen me rastet që do të pasojnë, për të shmangur një tjetër përplasje mes dy institucioneve më të larta të shtetit shqiptar, Gjykatës Kushtetuese dhe Kuvendit.
Ndërkohë dje në seancë parlamentare, kreu i grupit parlamentar të PD-së, Gazment Bardhi akuzoi kryetaren e parlamentit se po mbante të fshehur draft opinionin e komisionit të Venecias dhe se nuk kishte ftuar pjesëtarë të opozitës të ishin pjesë e grupit që do të jenë sot në Komisionin e Venecias. Spiropali në replikë tha se nuk e kishte shpërndarë draftin pasi nuk ishte publik dhe se opozitën nuk e kishte ftuar se pasi këta të fundit i kishin refuzuar ftesat
Çfarë është Komisioni i Venecias?
Komisionit Evropian për Demokraci Nëpërmjet Ligjit i njohur si Komisioni i Venecias është një organ këshillues mbi çështjet kushtetuese, i cili u themelua më 1990.
Ky Komision, u ofrojë shteteve të caktuara ndihmë apo konsulencë kushtetuese duke u përpjekur të luajë rol pozitiv në menaxhimin e krizave. Detyra kryesore e Komisionit të Venecias, është të japë këshilla ligjore për vendet anëtare në lidhje me ligjet që janë të rëndësishme për funksionimin demokratik të institucioneve. Opinion-drafti që diskutohet dhe miratohet nga Komisioni i Venecias gjatë një sesioni plenar, bëhet në praninë e përfaqësuesve të atij vendi. Pas miratimit, opinioni bëhet publik dhe i dërgohet palës apo organit që e ka ngritur kërkesën.
Partia Demokratike
Opozita akuzon kryeparlamentaren Elisa Spiropali për mbajtjen e fshehtë të opinionit të Venecias për mandatin e deputetes socialiste Olta Xhaçka dhe përjashtimin e opozitës nga ky proces.
Grupi Parlamentar i Partisë Demokratike reagoi sot në lidhje me një lajm të publikuar që e cilësoi si “fake news” dhe i “prodhuar nga Zyra e Kyetares së Kuvendit”, ku paraqitet opinioni publik si qëndrim i Komisionit të Venecias apo “burim special e konfidencial” nga Komisioni i Venecias.
“Mbajtja e fshehtë e draft opinionit të Komisionit të Venecias që është miratuar sot, apo përjashtimi i opozitës nga ky proces, ka pasur si qëllim pikërisht dezinformimin e opinionit publik përmes prodhimit të lajmeve të pavërteta të sajuara nga Kryetarja e Kuvendit dhe me fjali të nxjerra jashtë kontekstit të opinionit të Komisionit të Venecias. Padyshim kur ka trajtuar parimin e mandatit jo detyrues, jo Komisioni i Venecias, por edhe vetë Gjykata jonë Kushtetuese, sqaron që deputetet si rregull janë të lirë të votojnë sipas vullnetit të tyre, por ky rregull sigurisht që nuk ka lidhje me çështjen në fjalë, siç Gjykata Kushtetuese ka sqaruar”, thuhet në reagimin zyrtar.
Grupi i PD i bëri thirrje mediave që të tregohen të matura në informimin e publikut dhe të presin publikimin e opinionit të Komisionit të Venecias apo “t’i referohen vetëm burimeve zyrtare apo serioze për informim mbi këtë çështje, duke refuzuar çdo fake news që konsideron Elisa Spiropalin si Komisioni i Venecias”.
Sot, Komisioni i Venecias shqyrton kërkesën e Kryetares së Kuvendit Elisa Spiropali për mandatin e Olta Xhaçkës, duke diskutuar nëse Gjykata Kushtetuese mund të imponojë një deputeti si të votojë, çka ka shkaktuar një ngërç në marrëdhëniet me këtë institucion.
Kryeparlamentarja Spiropali merr pjesë në këtë sesion të sotëm të Komisionit të Venecias. Gjatë fjalës së saj, shprehu mirënjohjen për anëtarët e këtij forumi, për bashkëpunimin e shkëlqyer dhe konstruktiv të tyre me Kuvendin e Shqipërisë.
Komente
Lajme të tjera
-
'Jam i qetë dhe i vendosur', Rama komenton punën e SPAK dhe rastin e Veliajt: Hetimi s’e bën fajtor! Gjyqet s’bëhen në media
28 Dhjetor 2024, 18:20 -
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor 2024, 18:31 -
Spiropali uron besimtarët për Krishtlindje: Jezu Krishti na tregon se dashuria është forca më e madhe njerëzore dhe jo sundimi, pushteti apo pasuria!
24 Dhjetor 2024, 17:48 -
Ironia e Spahiut: Elisa Spiropali e përmendi më shumë bashkimin kombëtar sesa Albin Kurti
21 Dhjetor 2024, 16:30 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor 2024, 15:36 -
Takimi i dy Kuvendeve/ Spiropali: Mbështetje Kosovës për anëtarësimin në Këshillin e Europës dhe në NATO, i keni plotësuar kushtet!
20 Dhjetor 2024, 12:09 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor 2024, 17:31 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor 2024, 13:05 -
Debate në Kuvend/ Shehaj akuzon Ballukun: Ka 6 muaj shmang interpelancën, 1,3 mld euro Thumanë-Kashar, skandal! S’ka lekë për pensione, por hedh valle në festat e PS
19 Dhjetor 2024, 10:25 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor 2024, 08:07 -
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor 2024, 12:40 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor 2024, 16:18
