Komisioni për 'Zgjedhoren' dhe 'Territorialen', Rama: PD sa herë humb zgjedhjet, do reformë të re, por fitoren s’ta jep tavolina! Ne jemi të hapur ndaj propozimeve

Edhe pse opozita këmbëngul për një formë të re Territoriale si dhe Reformës Zgjedhore, për kryeministrin Edi Rama asnjëra prej tyre nuk të japin fitore në zgjedhje.  Rama u shpreh për Zërin e Amerikës se mazhoranca është e gatshme që të ndërmarrë edhe një reformë tjetër dhe i hapur për propozimet, por nuk kurseu ironitë me PD, duke thënë se gjithmonë që humbet zgjedhjet, kërkon që të bëjë një reformë të re.

“Mendoj që duhet të ketë më pak njësi vendore. Komisioni është aty për të ballafaquar argumentet dhe për të dalë në konkluzione për t’i shërbyer vendit. Jam gjithmonë me mendje të hapur. Reforma nuk të jep fitore në tavolinë. E bëjmë dhe një reformë tjetër por kjo nuk do zgjidhë problemin real që kanë ata. Pas çdo zgjedhje të humbura.” tha Rama.

Si i shikoni ngritjen e komisioneve për reformën zgjedhore dhe territoriale, çfarë mendoni ju se duhet korrigjuar tani?

Edi Rama: Mendoj se duhet të ketë më pak njësi vendore

Opozita kërkon të jenë më shumë..

Edi Rama: Komisioni është aty për t’i diskutuar të gjitha këto dhe për të bërë më të mirën për vendit, jo për të futur kunja me njëri-tjetrin.

Pra jeni me mendje të hapur që edhe mund të shtohen njësitë vendore…

Edi Rama: Unë jam gjithnjë me mendje të hapur.

Lajmi kryesor:

Pas takimit me Blinken në SHBA, Rama: Folëm për rajonin! Jemi krah me SHBA-në për Ukrainën

/r.k./Shqiptarja.com

TAG:
• konflikti rusi-ukraine
• Rusi
• ukraine
• Anthony Blinken
• SHBA
• edi rama