Kompensimi i ish-pronarëve ka hyrë në dekadën e katërt dhe përmbyllja e këtij procesi duket ende e largët. Ministria e Drejtësisë kërkon edhe katër vite kohë shtesë për Agjencinë e Trajtimit të Pronave për shqyrtimin dhe kompensimin e pronarëve.
“Qëllimi i projektaktit të propozuar është rihapja e afatit të shqyrtimit të kërkesave në rrugë administrative nga ana e Agjencisë së Trajtimit të Pronës deri në vitin 2027 dhe shtyrja e afatit për shpërndarjen e vlerës së kompensimit financiar deri në vitin 2028”, thuhet në relacionin e projektligjit të hedhur në Konsultim Publik nga Ministria e Drejtësisë.
Afati i lënë për Agjencinë e Trajtimit të Pronave për shqyrtimin e dosjeve sipas ligjit të “Për trajtimin e pronës dhe përfundimin e procesit të kompensimit të pronave”, i rishikuar në 2022-shin ishte 31 dhjetori 2024, por ende në proces shqyrtimi janë 5862 dosje dhe 1197 praktika, në total 7059, nga të cilat 705 të rikthyera për trajtim.
Gjatë këtyre viteve ATP ka marrë vendim për 115 dosje ose 1.6% të kërkesave ende të patrajtuara, ndërsa ka filluar procedurat e njoftimit për plotësim dokumentacioni për rreth 2900 kërkesa për njohje pronësie ose 41.4% të dosjeve/praktikave.
Në relacion thuhet se duke marrë në konsideratë që koha e marrjes së një vendimi për këtë proces zgjat nga 3 deri në 6 muaj për dosje, afati i caktuar në ligjin e 2022 nuk mund të realizohet, pasi deri në fund të këtij viti mund të mbyllen vetëm 10% e dosjeve të patrajtuara.
Në relacion listohen edhe 5 arsye për mosrespektimin e afatit, nga procedurat ligjore, tek mungesa e stafit e deri tek pezullimi 3 muaj i veprimtarisë së ATP-së nga Gjykata Kushtetuese teksa shqyrtonte kushtetutshmërinë e ligjit.
Ministria e Drejtësisë propozon që deri në fund të 2027-ës të përmbyllet shqyrtimi i mbi 5 mijë dosjeve dhe brenda 2028-ës të ekzekutohen vendimet dhe të bëhen kompensimet. Ndërsa vlera financiare e kompensimit mbetet 50 miliardë lekë, pasi ndryshon vetëm afati i procesit por jo kostot.
(Kliko këtu për të lexuar dokumentin e plotë)
(Kliko këtu për të lexuar dokumentin e plotë)
Lajme të tjera
-
Shtyhet kompensimi i pronarëve, drafti: Afati për shqyrtimin deri në 2027, për paratë deri 2028
3 Dhjetor, 07:48 -
Lufta ndaj korrupsionit e krimit/ Dumani: SPAK sekuestroi 150 mln € asete! Prokurorëve t’u jepet mundësia e rikandidimit! Rrisni pragun monetar, të hetojmë vetëm çështje të vështira
2 Dhjetor, 15:29 -
Ministria e Drejtësisë certifikon 97 studentë të Klinikave të Ligjit, Manja: Qëllim rritja e aksesit në drejtësi dhe përgatitja e një brezi profesionistësh
25 Nëntor, 16:44 -
Manja: Buxheti i Ministrisë së Drejtësisë është 14.3 mld lekë, rritje fondesh e pagash! Paraburgim i ri në Kukës dhe uniforma për stafin e Burgjeve
18 Nëntor, 16:42 -
Pr.buxheti 2025, Manja: Do të mbyllen burgjet e trashëguara nga komunizmi, paraburgim i ri në Kukës! Edhe sisteme antidron
8 Nëntor, 12:11 -
Drejtësia refuzoi ‘Antikorrupsionin’, Manja: Një prokuror s’mund të atashohet në komision, do japin ekspertizë! Mikrokreditë? Ndryshime ligjore për shërbimin përmbarimor privat
14 Tetor, 15:01 -
U hiqet licenca 11 noterëve, Manja njofton aksionin
7 Shtator, 16:28 -
Kërkoi të lirohej nga izolimi në 41 bis, GJKKO rrëzon kërkesën e të burgosurit Erion Veizaj
31 Korrik, 19:46 -
Manja pret gjyqtarët dhe prokurorët amerikanë: Jetësim i plotë i reformës në drejtësi
10 Korrik, 18:55 -
Erion Çaka emërohet Drejtori i ri i Përgjithshëm i Agjencisë së Trajtimit të Pronave
20 Qershor, 13:53 -
Ministria e Drejtësisë kërkon shërbim konsulence për luftën kundër kriminalitetit! Rama autorizon Manjën të nisë negociatat me 'G37 Chambers' në Londër
20 Qershor, 09:42 -
‘Ligjet’/ Çupi-Manjës: Shqipëria ka nevojë urgjente luftën kundër korrupsionit! Ministri: Ne bëmë Reformën në Drejtësi
10 Maj, 13:42
