Agjencia e Trajtimit të Pronave (ATP) njoftoi se dje ka përfunduar procesin e shqyrtimit administrativ të disa aplikimeve për kompensim financiar me kërkesë të veçantë, të paraqitura nga subjektet e interesuar, të cilët diponojnë vendime përfundimtare që u kanë njohur të drejtën e kompensimit të pronës.
Aktualisht ka përfunduar shqyrtimi administrativ i 11 aplikimeve për kompensim financiar me kërkesë të veçantë, për të cilat ATP ka miratuar me vendim pranimin e këtyre kërkesave apo aplikimeve, pasi kanë rezultuar të jenë në përputhje të plotë me kriteret e përcaktuara në nenin 17, pika 2, të ligjit nr.133/2015 “Për trajtimin e pronës dhe përfundimin e procesit të kompensimit të pronave”, në Kreun IV të VKM nr.223, datë 23.03.2016 “Për përcaktimin e rregullave dhe procedurave për vlerësimin dhe ekzekutimin e vendimeve përfundimtare të kompensimit të pronës dhe shpërndarjen e fondit financiar e fizik për kompensimin e pronave”, i ndryshuar.
Fondi financiar, i vënë në dispozicion nga Buxheti i Shtetit, që ATP do të shpërndajë në total për subjektet përfitues të këtyre 11 aplikimeve sipas kërkesave të tyre, është në vlerën 140.274.393,60 lekë, ose më shumë nga 1 milion euro, nga të cilat 37.072.088,83 do të lëvrohen menjëherë si këst i parë, ndërsa pjesa tjetër do të lëvrohet me këste çdo fillim viti buxhetor, bazuar në mënyrën e përfitimit të kompensimit për të cilën ka aplikuar subjekti.
Të dhënat në lidhje me kërkesat e subjekteve përfitues, vendimet për subjektet e shpronësuara dhe përfaqësuesit me prokurë, jepen në listën bashkëlidhur këtij njoftimi.
Agjencia e Trajtimit të Pronave (ATP) njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim. Nga përfundimi i trajtimit të këtyre aplikimeve për kompensim financiar me kërkesë të veçantë, Buxhetit të Shtetit i kursehet në total një fond në vlerën 239.144.441,10 lekë.
Lista e subjekteve qe perfitojne kompensim financiar
Lajme të tjera
-
Kompensimi i ish-pronarëve do të shtyhet me 5 vite, mijëra dosje stok! Agjencia merr kohë për të ‘mbledhur’ para! Brenda 2025 miratohet harta me vlerën e tokës në Shqipëri
24 Shtator 2023, 18:41
-
Dokumenti/ Ndryshon ligji i pronave, kompensimi jo më i ulët se 10% e vlerës aktuale, 7 mijë kërkesat e fundit për njohje do shqyrtohen brenda vitit 2024
15 Nëntor 2022, 17:11
-
Vëllai i 7-vjeçarit që humbi jetën në shpërthimin e Gërdecit emërohet në krye të Agjencisë së Trajtimit të Pronave, zëvendëson Jonida Baçin
1 Shtator 2022, 14:43 -
Gati projektligji! Nga tokë bujqësore në truall, rritet masa e kompensimit! Ish-pronarët pritet të paguhen deri në vitin 2026
4 Prill 2022, 21:00
-
Rritet me 18 mld lekë fatura për kompensimin e pronave! Në 5 vite janë paguar vetëm 788 ish-pronarë, Manja: Përfundoni procesin
7 Qershor 2021, 16:56
-
COVID-i stopoi kompensimet në mars! ATP: Në 7 muaj 492 padi të reja për pronat
20 Gusht 2020, 16:54
-
Banorët e 'Kukësit të Vjetër', ende pa kompensim për pronën e tyre! Prefekti: Sillni dokumentacionin (VIDEO)
8 Shkurt 2020, 16:52
