POP 5

Lajmet më të lexuara të 5 minutave të fundit

Ekonomi

Kondicionerët ndezur! I nxehti ekstrem rrit konsumin e energjisë, KESH 4.3 mln € blerje për korrikun

Për shkak të temperaturave të larta dhe shtimit të konsumit të energjisë nga përdorimi i kondicionerëve, KESH ka blerë vetëm për muajin korrik 4.2 milionë euro energji elektrike, me çmim më të shtrenjtë se në qershor. Në total në vetëm 2 muaj janë shpenzuar 14.2 milionë euro për import energjie.

Temperaturat ekstreme po rrisin faturën financiare për furnizimin me energji elektrike. Në këtë muaj është shtuar konsumi i energjisë, për shkak të përdorimit të kondicionerëve apo pajisjeve të tjera, prodhimi i energjisë nga hidrocentralet në vend nuk mjafton edhe në kushtet kur mungojnë reshjet.

Për të garantuar furnizim pa ndërprerje, KESH i është drejtuar disa herë tregjeve të huaja në këtë muaj duke blerë afro 46 mijë megavat energji me vlerë 4.3 milionë euro.

Energjia e blerë këtë muaj është më e kushtueshme se në muajin qershor. Sipas rezultateve të ankandeve nëse në muajin qershor një megavat energji është blerë nga 76 euro deri në 117 euro, këtë muaj një megavat ka kushtuar nga 99 euro deri në 209 euro. Në total KESH ka blerë 14.2 milionë euro energji elektrike për muajit qershor e korrik.

Ndërkohë në bursën hungareze HUPX, një megavat sot po tregtohet me 236.91 euro/megavat, ndërsa në momentet pik (që janë ora 20.00-21.00) çmimi për megavat do të arrijë në 937.30 euro/megavat.

Këto vlera të larta të energjisë, sinjalizojnë një verë të ‘nxehtë’ edhe për çmimet për një megavat energji. Ky shqetësim u ngrit edhe nga ekspertët e FMN-së, në deklaratën në përfundim të misionit në datat 9-12 korrik në Shqipëri.

“Tensionet e rritura gjeopolitike përfaqësojnë një rrezik të mundshëm për poshtë, ndërkohë që ekonomia mbetet e ndjeshme ndaj rreziqeve të goditjeve të sektorit energjetik të lidhura me motin dhe një ndryshimi të papritur të kahut të kursit të këmbimit”, shprehet FMN.

IMPORTET E ENRGJISË ELEKTRIKE
1-7 Korrik         2,674,637 Euro
8-14 korrik             66,944 Euro
8-14 korrik           105,000 Euro
13-14 korrik         142,400 Euro
15-21 korrik         202,342 Euro
15-21 korrik         189,273 Euro
18-19 korrik         270,864 Euro
19 korrik              699,732 Euro

G.M./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Mos harroni çadrat! Reshje shiu dhe ulje temperaturash, parashikimi i motit për ditën e nesërme

Mos harroni çadrat! Reshje shiu dhe ulje temperaturash, parashikimi i motit për ditën e nesërme

2 Janar, 17:30