POP 5

Lajmet më të lexuara të 5 minutave të fundit

Ekonomi

Afati i depozitimit të pasqyrave financiare, ministria e Financave: Shtyhet për aq ditë sa nuk ka funksionuar portali E-Albania

Për shkak të mos funksionimit të e-Albania si pasojë e sulmit kibernetik, Ministria e Financave ka vendosur të shtyjë afatin për dorëzimin e pasqyrave financiare të bizneseve, që mbaronte më 31 korrik.

Të gjitha bizneset në vend do të kenë kohë përtej 31 korrikut për të dorëzuar pasqyrat financiare të vitit 2021. Ministria e Financave e mori këtë vendim si pasojë e sulmit kibernetik që pësuan platformat publike, përfshi Qëndrën Kombëtare të Biznesit ku biznesi duhet të bënte deklarimet.

Të gjitha bizneset me xhiro mbi 5 milionë lekë, kishin afat ligjor deri në 31 korrik për të dorëzuar pasqyrat financiare, por për shkak të mos funksionimit të portalit qeveritar e-Albania që ka mbledhur në një plaformë të vetme të gjitha shërbimet, Ministria e Financave njofton se afati do të shtyhet për aq ditë sa nuk ka funksionuar portali qeveritar e-Albania.

Nuk është dhënë një afat i caktuar se deri kur do të zgjasë shtyrja pasi ende sistemet nuk janë kthyer plotësisht në punë.

Janë mbi 20 mijë subjekte që kanë detyrimin që regjistrojnë dhe depozitojnë pasqyrat financiare vjetore, raportin e ecurisë së veprimtarisë dhe raportin e auditimit, të mbajtur sipas kërkesave ligjore. Nëse nuk i dorëzojnë në kohë sipas ligjit ata, gjobiten me 60 mijë lekë, nga 15 mijë lekë që ishte gjoba vitin e kaluar.

Pasqyrat financiare janë një paraqitje e strukturuar e pozicionit financiar dhe performancës financiare të një biznesi, ku pasqyrohen zhvillimet e aktivitetit të tyre humbjet, fitimet apo shpenzimet e kryera.

Rendit zhvillimet sipas orarit:
Ora 11:10
Ministrja e Financave shtyn afatin e depozitimeve të pasqyrave financiare

Ministria e Financave ka shtyrë afatin për depozitimin e pasqyrave financiare për aq ditë sa nuk ka funksionuar portali qeveritar e-Albania, më konkretisht me 4 ditë.

‘Ministria e Financave dhe Ekonimisë njofton se, duke u nisur nga situata e krijuar ditët e fundit për arsye të mosfunksionimit të portalit qeveritar e-Albania, Qendra Kombëtare e Biznesit do të zbatojë parashikimet e Kodit të Procedurave Administrative lidhur me afatin për depozitimin e pasqyrave financiare në regjistrin tregtar.

Bazuar në nenin 54 të Kodit të Procedurave Administrative, afati për depozitimin e pasqyrave financiare në regjistrin tregtar do të shtyhet për aq ditë sa nuk ka funksionuar portali qeveritar e-Albania.

Subjektet që nuk kanë aplikuar akoma për depozitimin e pasqyrave financiare do të rivendosen për depozitimin e tyre brenda periudhës së shtyrjes së afatit fillestar.’- njfoton ministria.

M.Q./Shqiptarja.com

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14