Konfirmohet 2 raste të riinfektimit me COVID-19 në Shkodër, pas 6 muajsh pasi ishin infektuar herën e parë

Konfirmohet 2 raste të riinfektimit me COVID-19 në Shkodër, pas 6 muajsh pasi ishin infektuar herën e parë

Foto ilustruese

SHKODËR- Report Tv mëson se janë konfirmuar 2 raste ri-infektimi në qytetin e Shkodrës. Bëhet fjalë për 2 persona të moshës 40 dhe 50 vjeç.

Mësohet se ato kanë bërë testin dhe kanë rezultuar për të dytën herë pozitiv me këtë virus. Gazetari i Report Tv, Ergys Kavaja raporton se këta dy persona kishin rezultuar pozitiv 6 muaj më parë, por kanë shfaqur sërisht simptoma si temperaturë e lartë, dhimbje gjymtyrësh. Për pasojë, kanë bërë sërish tamponin ku përgjigja ka qenë pozitive. Aktualisht gjendja e tyre shëndetësore është e mirë. 

Më herët, në konferencën për media, ministrja e Shëndetësisë, Ogerta Manastirliu e ceku rastin e ri-infektimeve sipas së cilës janë shtuar rastet dhe dyshimet tha se bëhen fjalë për variantin e ri të COVID.

Shkodra është një ndër qarqet më të prekura, ku gjatë ditës së djeshme janë konfirmuar pozitiv me COVID 32 qytetarë. Aktualisht në këtë qark janë 1544 raste aktive. Gazetari Ergys Kavaja raporton se qytetarët kanë neglizhuar totalisht masat anti-COVID. Ajo që vihet re është se mbajtja e maskës apo distancimi social zbatohet vetëm në institucione, aty ku është e detyrueshme pasi në të kundërtën nuk merret shërbimi, ndërsa në ambiente të tjera, sjellja e tyre është sikur COVID të mos ekzistojë.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet