Shifrat e bëra publike nga Ministria e Financave dhe Ekonomisë për rritjen e pagave për arsimtarët kanë krijuar konfuzion tek ata. Konkretisht ministrja Anila Denaj tha se pagat do te rriten me 15% e përkthyer në vlerë monetare ajo shpreh se "në sistemin arsimor, në vitin 2020 kemi një pagë mesatare 65.800 lekë që së bashku me rritjen shkon në 72.000 lekë në 2021-in. Paga mesatare bruto e mësuesve nga 68.800 shkon në 75.550 në 2021-in".
Pas kësaj deklarate sindikata e arsimtarëve hodhi dyshime mbi përllogaritjet e bëra, pasi sipas tyre me një rritje 15%, paga e mësuesve në 9-vjeçare shkon në 75 mijë e 670 lekë, dhe jo 72 mijë e 100 lekë sa u deklarua nga ministrja. Diferenca në përllogaritjet e arsimtarëve dhe të ministrisë është 3 mijë e 570 lekë.
Po ashtu sipas tyre paga mesatare bruto e mësuesve në shkollat e mesme me këtë rritje nga 68 mijë e 800 lekë shkon në 79 mijë e 120 lekë, dhe jo 75 mijë e 550 lekë sa u tha në konferencë. Edhe këtu diferenca është 3 mijë e 570 lekë.
Me këto dyshime Sindikata e Pavarur e Arsimit pohoi se rritja e pagave për arsimtarët është 9.1% dhe jo 15%. Por Report TV u interesua pranë Ministrisë së Financave, e cila shpjegon edhe konfuzionin e krijuar. Ministria shpjegon se në rritjen e pagës janë të përfshirë edhe elementët e tjerë si paga e diplomës, vjetërsia e punës si dhe kualifikimi, të mbledhura së bashku arrijnë në vlerën e deklaruar nga ata.
“Rritja e pagës për çdo kategori punonjësish behet vetëm mbi pagën e funksionit, e cila është përcaktuar ne VKM përkatëse, ne rastin e mësuesve është VKM 175/2017, e ndryshuar. Bazuar ne këtë VKM, ju bëjmë me dije se paga mesatare është me e larte se paga për funksion. Prandaj ajo qe ju pretendoni nuk del 15% kur e pjesëton. Sipas kësaj VKM-je, paga funksionit te mësuesit ne shkollën e mesme është 45000 leke e cila rritet me 15% ose me 6750 leke ne muaj . Kjo rritje bën që paga e rritur e funksionit se bashku me elementet e tjerë si paga diplomës 14000 leke, paga vjetërsisë 7000 leke dhe paga për kualifikim , shkon si page bruto 75550”, sqaron ministria.
Lajme të tjera
-
Shqipëria, pjesë e programit të tregut të përbashkët të BE-së, sipërmarrësit thirren të aplikojnë
22 Shkurt, 22:43 -
Ndahen çmimet për mësuesit më të mirë gjatë vitit 2023, dominojnë shkollat në rrethe
27 Dhjetor 2023, 18:37 -
Rindërtimi, ministri i Ekonomisë: Janë shpenzuar nga buxheti 890 mln euro! Sigurimi i banesave nga tërmetet, i domosdoshëm! Duhet skemë për sigurimin bujqësor
18 Tetor 2023, 11:14
-
Ministri i Financave dhe Ekonomisë takim me Misionin e FMN-së: Do të përmirësojmë administrimin e mbledhjes së të ardhurave
17 Tetor 2023, 19:17 -
Mete takim me përfaqësuesin e FMN, në fokus të diskutimeve reforma e financave publike dhe konsolidimi financiar
3 Tetor 2023, 12:49 -
Konkluzionet e forumit të ministrave të ekonomisë në Tiranë: Tregu i përbashkët rajonal, objektiv drejt tregut të vetëm të Bashkimit Evropian
27 Shtator 2023, 16:14 -
Do të ndryshojë taksimi i banesës dhe tokës bujqësore, Ibrahimaj: Vlera do të përcaktohet nga çmimi i tregut dhe jo harta e referencës
23 Qershor 2023, 18:39 -
Rritja e pagave, deputetët bien dakord pas debateve! Përfitojnë 130.330 punonjës! Komisioni i Ligjeve miraton paketën, pritet shqyrtimi tek ‘Ekonomia’
19 Maj 2023, 17:12
-
2 mijë arsimtarë do t’i nënshtrohen testit psikosocial! Mësuesja: Vjen si presion, të na mbështesin më shumë
28 Prill 2023, 19:24
-
Shoqatat dhe grupet e interesit letër Sejkos dhe Ibrahimajt: Bizneset drejt falimentit! Mos e lini euro-n në 'rënie të lirë', do kemi pasoja afatgjata
28 Prill 2023, 08:20 -
Miratohet strategjia për zhvillimin e tregjeve të kapitalit, qeveria projekton listimin e afërt në bursë të kompanive me kapital shtetëror
27 Prill 2023, 11:10 -
Projektiligji/ Ibrahimaj: Punëdhënësit me numër të lartë punonjësish duhet të punësojnë persona me aftësi të kufizuar, ndryshe paguajnë te Fondi i Punësimit
13 Mars 2023, 13:39
