Korçë, ambasadorja çeke: KQZ
duhet të ketë 7 anëtarë të pavaru

Ambasadorja çeke në Tiranë, Bronislava Tomasova ka përsëritur apelin ndaj klasës politike shqiptare për më shumë dialog dhe bashkëpunim në mbarëvajtjen e zgjedhjeve të 23 qershorit. Nga Korça, ambasadorja çeke perforcoi idenë se Komisioni Qëndror i Zgjehdjeve duhet të funksionojë si institucion i pavarur nga politika dhe me 7 anëtarë, per të mos rrezikuar zgjedhjet.

"Ne do të kujdesemi për mbarëvajtjen e komisionit dhe prova e 23 qershorit do të jetë prova e transparencës, ashtu sic është diskutuar edhe në dhjetor të vitit të kaluar. Partitë politike nuk duhet të moderojnë vetëm dialogun, por edhe kooperimin midis tyre sepse kjo është mënyra se si funksion demokracia. Në çdo demokraci ka një parti pozitare dhe opozitare, por e rëndësishme është që secila të dijë rolin që iu takon, pra duhet të bashkëpunojnë me njëra-tjetrën. KQZ duhet të punojë me 7 pjesëtarë në mënyrë të pavarur. Partitë politike duhet të jenë të përgjegjëshme që në 23 qershor të bëhen zgjedhje të lira dhe të ndershme”, tha ambasadorja çeke Tomasova.

“Zhvillimet e fundit lidhur me KQZ-në nuk janë të dëshirueshme. Data e zgjedhjeve po afron dhe të gjithë këtu në Shqipëri e dinë se këto zgjedhje po ndiqen nga afër prej vendeve anëtare të BE-së. Në raportin e fundit të konkluzioneve në dhjetor u deklarua se zgjedhjet janë testi për funksionimin e institucioneve demokratike”, theksoi ambasadorja çeke.

Diplomatja europiane u bëri thirrje partive politike të përmirësojnë jo vetëm dialogun midis tyre, por edhe bashkëpunimin, pasi kjo është rruga e vetme sesi funksionon demokracia.

“Në çdo demokraci dihet se ka parti që qeverisin dhe parti në opozitë. Secila nga ato ka rolin e saj të veçantë dhe duhet kuptuar, se nuk duhet të ketë armiqësi midis partive në pushtet dhe opozitës, por duhet të ketë një bashkëpunim të mirë për të bërë që qeverisja ti shërbejë popullit”, tha Tomasova.

“KQZ duhet të ketë 7 anëtarë dhe pushteti në komision duhet të jetë i balancuar. Komisioni në rrugë teknike dhe të pavarur duhet vetëm të përgatisë zgjedhjet dhe të garantojë që ato të jenë të lira dhe të ndershme. Partitë politike janë të gjitha përgjegjëse për gjetjen e rrugës që të sigurojë se këto zgjedhje do të jenë të lira dhe të ndershme”, nënvizoi ambasadorja e Çekisë në Tiranë.

Ambasadorja çeke ishte e pranishme gjatë inaugurimit të rehabilitimit të pazarit të vjetër të qytetit ,një investim prej 650 000 euro, nga fondet IPA. Në këtë inaygurim mori pjesë dhe zv/ministri i BE-së, Luixhi Brusso dhe zv/ministri i kulturës, Abaz Hado.

(s.f/v.gj/shqiptarja.com)

TAG:
• kqz