Korçë/ Ekzekutimi i Fridman Xhaferaj, gjykata lë në burg Kristi Bixhekun! U arrestua 3 ditë më parë, autori tjetër i dyshuar, ende në kërkim

Viktima Fridman Xhaferraj

Gjykata e Korçës ka lënë në burg Kristi Bixhekun, autorin e dyshuar të vrasjes së 25 vjeçarit Fridman Xhaferraj, ngjarje e ndodhur në 13 qershor të këtij viti. Në seancën për njohjen me masën e sigurisë nga gjykata e Korçës, prokuroria paraqiti dinamikën e ngjarjes ku në kërkim është edhe Lulzim Spahija, si bashkëpunëtor në ngjarjen e rëndë.

Prokuroria e Korçës i kërkoi gjykatës që Bixheku të vazhdojë të qëndrojë i izoluar deri në përfundim të hetimeve. Gjykata ka pranuar kërkesën e prokurorisë duke lënë në fuqi masën e sigurisë "arrest me burg", ndwrsa ndaj Bixhekut rëndon akuza e vrasjes me paramendim e kryer në bashkëpunim.

-Kristi Bixheku, 26 vjeç, banues në Lushnjë, u arrestua nga policia 3 ditë më parë teksa ai ndodhej në spitalin ‘Nënë Tereza’ në kryeqytet.

Fridman Xhaferraj u gjet i mbytur më 13 qershor të këtij viti në rezervuarin e Gjançit nga një banor i zonës. Në trupin e 25-vjeçarit ishin konstatuar shenja dhune në trup dhe në kokë, madje ai u gjet me duar të lidhura, ç’ka tregon se para vrasjes, ndaj tij është ushtruar dhunë fizike. Xhaferraj dyshohet se u vra në Korçë dhe më pas u hodh në rezervuarin, ndërsa shkak i vrasjes dyshohet të jetë prishja e pazareve të drogës. 

Fridman Xhaferraj, nuk ishte një emër i panjohur për drejtësinë shqiptare. Një vit më parë bashkë me vëllanë e tij kanë kundërshtuar me dhunë patrullën e forcave Shqiponja në qytetin e Vlorës. Nga kjo ngjarje, vëllai i tij ka përfunduar në burg, ndërsa Fridmani jetonte me Pluk të Lushnjës gjatë kësaj kohe.

Në shkurt të këtij viti Fridman Xhaferraj dyshohet se ka qenë autor i djegies së tre automjeteve luksoze në një qendër tregtare në Lushnjë. Për këtë vepër pas hetimeve të policisë, ai u arrestua në datën 1 Maj ku gjykata kishte vendosur më parë masën e arrestit me burg. Në datën 21 maj gjykata e ka lehtësuar masën e arrestit në arrest në shtëpi.

Pas lehtësimit të masës, viktima kishte thyer masën e ‘arrestit në shtëpi’ kishte qëndruar tre net në një hotel së bashku me dy autorët e dyshuar për vrasjen e tij. Të tre ishin strehuar në një prej hoteleve në periferi të qytetit të Korçës, në datat 25-26 dhe 27 maj. Policia mbërriti në hotel, pasi në xhepin e pantallonave të viktimës u gjetën kartëvizitat e hotelit në fjalë, ku më pas u bë edhe shpallja në kërkim e autorëve të dyshuar.

J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Përçarja e PD mes Berishës dhe Bashës, mendoni se garanton fitoren e PS në 6 bashkitë?



×

Lajmi i fundit

John

Ja video e hotelit në Tiranë ku u mbajtën 'peng' 30 emigrantët