Korçë, MAS:Shkelje në ndihmën
ekonomike, mugon lista e përfituesve

Ministria e Mirëqenies Sociale dhe Rinisë, ka konstatuar shkelje në mënyrën e përdorimit të fondeve të ndihmës ekonomike në Korçë, ku mugonte lista emërore e përfituesve të ndihmës ekonomike që prej 4 muajsh.

Mungesa e listave të familjeve që përfitojnë nga ndihma ekonomike, sipas Ministres Kërtusha,  ngre dyshime për keqmenaxhim financiar, shpërdorim të detyrës apo korrupsion nga ana e punonjësve të përfshirë në proces, dhe se dyshohet se kjo është bërë për të favorizuar individë në mbështetje të fushatës zgjedhore për subjekte të caktuara politike.
 
Ministria e Mirëqënies Sociale dhe Rinisë i ka kërkuar Ministrisë së Financave, nisjen urgjent te inspektimit financiar.

Problematika të ngjashme janë vërejtur edhe në Qarqet Tiranë, Durrës dhe Elbasan, për të cilat po bëhen verifikimet e nevojshme përpara se të merren masat përkatëse.
 


Redaksia Online
J.Sh Shqiptarja.com