POP 5

Lajmet më të lexuara të 5 minutave të fundit

Kronikë

Korçë, prisnin pyjet, arrestohen
dy zyrtarë, procedohen dy të tjerë

Një specialist pyjesh në agjencinë e Shërbimit Pyjor të Ersekës dhe një punëtor i kësaj agjencie, janë arrestuar me akuzën e shpërdorimit të detyrës.
Një specialist pyjesh në agjencinë e Shërbimit Pyjor të Ersekës dhe një punëtor i kësaj agjencie, janë arrestuar me akuzën e shpërdorimit të detyrës.

Në pranga kanë përfunduar Fatjon Kasko, 34 vjeç, banues në Ersekë dhe  Qazim Cacani, 49 vjeç po ashtu banues në Ersekë.

Burime zyrtare nga Policia e Korçës, bëjnë me dije së janë proceduar edhe E.Ç, 31 vjeç, me detyrë Përgjegjës i Sektorit Pyjorë Ersekë dhe 50- vjeçari E.G, banues në Ersekë dhe administratorë i një firme private.

Procedimi në gjendje të lirë i këtyre dy personave ka ardhur pasi E.Ç, nuk ka kryer kontroll ndaj subjektit privat të shtetasit E.G, i cili ka abuzuar me lejen e dhënë duke prerë një sasi lënde drusore të llojit Ah.

Njoftimi i policisë:
Ndalohen dy shtetas dhe procedohen penalisht në gjendje të lirë, dy të tjerë për veprat penale : "Shpërdorimi i detyrës" dhe "Prerja e paligjshme e pyjeve".

Konkretisht ndalohet specialisti i pyjeve dhe një punëtor i Agjensisë të Shëbimit Pyjor Ersekë. Gjithashtu procedohen penalisht në gjendje të lirë përgjegjësi i Sektorit Pyjor, si edhe administratori i një firme private.

Specialistët e Seksionit për Krimin Ekonomik-Financiar në Drejtorinë Vendore të Policisë Korçë, në vijim të punës bënë ndalimin me iniciativë të shtetasve :

Fatjon Kasko, 34 vjeç, banues në Starje-Ersekë (me detyrë inxhinier/specialist pyjesh në agjensinë e Shëbimit Pyjor Ersekë) dhe Qazim Cacani, 49 vjeç, banues në Taç-Ersekë.

Ndalimi i tyre u bë pasi shtetasi Fatjon Kasko, dyshohet se ka shpërdoruar detyrën duke lëshuar një leje shfrytëzimi, në mënyrë të kundërligjshme për prerjen e 20 drurëve (pishë), në kurorën e qytetit të Ersekës dhe shtetasi Qazim Cacani (punëtor) ka prerë në vazhdim 85 drurë, duke dëmtuar kurorën me pisha të mbjella në një largësi prej 1 km nga qyteti i Ersekës.

Gjithashtu po nga specialistët e kësaj strukture filloi procedimi penal në gjendje të lirë në ngarkim të shtetasit :

E.Ç, 31 vjeç, banues në Ersekë, (me detyrë Përgjegjës i Sektorit Pyjor Ersekë) dhe E.G, 50 vjeç, banues në Ersekë, (administrator i një firme private).

Procedimi ndaj tyre filloi pasi shtetasi E.Ç, dyshohet se nuk ka ushtruar kontroll ndaj subjektit privat të shtetasit E.G, e cila ka abuzuar me lejen e dhënë duke prerë një sasi lënde drusore të llojit ah në afërsi të fshatit Orgockë-Ersekë, duke shkelur ligjin për “Shpalljen e Moratoriumit të pyjeve”.

Gjatë kontrollit të këtij subjekti, një punonjës i tij, rezultoi i punësuar në mënyrë të paligjshme, i pasiguruar.

Materialet në ngarkim të tyre i kaluan Prokurorisë të Rrethit Gjyqësor Korçë për veprat penale : "Shpërdorimi i detyrës", "Prerja e paligjshme e pyjeve" dhe "Punësimi i paligjshëm" parashikuar nga nenet 248, 205 e 170/a të Kodit Penal.

pemet ne korce
(Pemët e prera)

Redaksia Online
D.T/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11