POP 5

Lajmet më të lexuara të 5 minutave të fundit

Kultura

Korçë, restaurohen ikonat e kishës ‘Fjetja e Shën Mërisë’, Ceka: I përkasin shekullit XIII

Muzeu Kombëtar i Artit Mesjetar në Korçë ka restauruar ikonat e gjetura në kishën “Fjetja e Shën Marisë”. Në total janë 64 ikona por vetëm 13 prej tyre janë ekspozuar për publikun.

Pas një viti intensiv pune, pranë Muzeut Kombëtar të Artit Mesjetar të Korçës u restauruan 64 ikona të Kishës “Fjetja e Shën Marisë”. 13 prej tyre u ekspozuan për herë të parë per publikun.

“Ikonat prezantohen për herë të parë pasi stafi ynë i restauroi”, tha Fjoralba Prifti drejtore e muzeut.

Historiani Neritan Ceka thotë se ikonat e vëllezërve Zografi kanë një vlerë të madhe për historisë së zonës së Lubonjes, ku gjendet dhe kisha “Fjetja e Shën Mërisë”.

“Eshtë kishë e shekullit XI dhe me afreske të shekullit XIII. Pjesë e kësaj trashëgimie ishin dhe ikonat, të cilat ishin grumbulluar në vitin 1967. Janë 64 në total, por 13 prej tyre janë ekspozuar”, tha Neritan Ceka.

Drejtuesi i projektit, Edmond Hoxha thekson se është fokusuar në Lubonjë, pasi mungonin studimet e mëparshme historike.

 

64 ikonat e restauruara do të mbeten pjesë e fondit të Muzeut Kombëtar të Artit Mesjetar në Korçë.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Ukrainë, lufta dhe pasiguria ndikojnë tek rënia e popullsisë

Ukrainë, lufta dhe pasiguria ndikojnë tek rënia e popullsisë

28 Nëntor, 18:33