Koronavirus, në Gjermani mbi 3600 raste infeksioni në 24 orë

Janë 3,609 raste të reja të koronavirusit të regjistruar në Gjermani në 24 orët e fundit për një total prej 137 439.

Në 24 orët e fundit numri i vdekjeve u rrit me 242 viktima të tjera duke e çuar totalin e viktimave në 4110.

Dje, Ministri i Shëndetësisë Jens Spahn deklaroi se pandemia në Gjermani tani është nën kontroll duke shtuar se rihapja e aktiviteteve tregtare dhe shkollave do të bëhet në mënyrë graduale.

Deklarata e Spahn i kapërcen notat optimiste edhe të Kancelares Angela Merkel e cila gjatë një konference për shyp u shpreh se rezultatet pozitive në vend janë të sigurta por ende nuk dihet se kur në Gjermani do të kapërcehet emergjenca.

Kancelarja është shprehur gjithashtu se gjermanët do të duhet të bashkëjetojnë  me koronavirusin për një kohë të gjatë derisa të gjendet vaksina.

Ndërkohë drejtori i institutit Robert Koch, Lothar Wieler ka shpallur ato që ai i cilësoi si lajmet e ditës; numri i ulët i viktimave  dhe përqindja e ulët e riprodhimit të virusit. Sipas tij në Gjermani numri që mund të infektojë një njëri me virus, është ulur nga 1 në 0-7.

Lajmi kryesor:

Covid-19/ Në Itali, 482 viktima dhe 2200 të shëruar në 24 orë! Rreth 155 mijë viktima në botë, Trump: Do kemi rreth 60-65 mijë vdekje

TAG:
• Koronavirus
• koronavirusi