POP 5

Lajmet më të lexuara të 5 minutave të fundit

Bota

Koronavirusi, lindi fëmijën teksa ishte në gjendje kome. Tani Yanira mund të përqafojë Walter-in e saj të vogël

Koronavirusi, lindi fëmijën teksa ishte në gjendje kome. Tani Yanira mund të përqafojë Walter-in e saj të vogël

Tridhjetë e gjashtë vjeçe, ajo kishte mbërritur në Spitalin Bay Shore Soutside në New York në fillim të muajit prill. Megjithë situatën e saj shëndetësore shumë kritike, mjekët vendosën që ajo t’i nënshtrohej një operacioni urgjent cezarianë.  

Kur Tridhjetë e gjashtë vjeçarja mbërriti në spital në fillim të muajit prill, e infektuar nga koronavirusi dhe në gjendje shumë të rëndë, mjekët menduan se ajo nuk do të mbijetonte.

Yanira Soriano, nënë e tre fëmijëve, ishte në muajin e tetë të shtatzënisë së saj të katërt. Me një pneumoni shumë të rënduar ajo nuk mundte të merrte frymë dhe ishte intubuar. Dukej e paaftë të reagonte.

Por gjinekologët e Spitalit Southside në Bay Shore, New York nuk hoqën dorë. Megjithëse situata ishte shumë kritike, ata vendosën që ajo t’i nënshtrohej një operacioni cesarian, dhe u vendos në gjendje kome të komanduar.

Walteri i vogël lindi më 3 prill, ndërsa nëna e tij luftoi për jetën kurse babai, edhe ai i infektuar në gjendje më të lehtë, ndodhej i karantinuar në shtëpi bashkë me tre fëmijët e tjerë, por i tmerruar nga ideja se mund të humbiste edhe bashkëshorten.

Doktor Benjamin Schwartz, drejtor i departamentit të gjinekologjisë së spitalit, i tha New York Times se Yanira nuk ishte e vetëdijshme kur lindi foshnjën. Ajo nuk dëgjoi as të qarën e parë të Walterit të vogël dhe as e takoi atë pasi edhe pasi doli nga koma ajo ndenji edhe për 12 ditë e intubuar.

Ditë më pas gjendja e saj u përmirësua deri në atë pikë sa më 15 prill doli nga spitali. Fotografia e saj teksa del për të shkuar në shtëpi me foshnjën e saj është bërë virale.

"Eshtë një moment krenarie e jashtëzakonshme për ne mjekët", thotë përsëri Dr. Schwartz. "U deshën shumë njerëz dhe një përpjekje e madhe për të shpëtuar nënën dhe foshnjën. Sot shumë pacientë të intubuar, madje edhe të rinj, nuk mbijetojnë. Fakti që kjo nënë e re shkoi në shtëpi me djalin e saj u jep shpresë të gjithëve ”


Lajmi kryesor:

Covid-19/ Në Itali, 482 viktima dhe 2200 të shëruar në 24 orë! Rreth 155 mijë viktima në botë, Trump: Do kemi rreth 60-65 mijë vdekje


  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54