Koronavirusi, në mesditë Italia u ndal për 1 minutë, flamuj në gjysmë shtize dhe heshtje zie

Sot për Italinë ishte dita e zisë.

Si një haraç për të vdekurit, sot në orën 12:00 të gjitha bashkitë e Italisë në shenjë zie kanë ulur në gjysmë shtizë flamurin tri ngjyrësh dhe kanë mbajtur një minutë heshtje, një mënyrë kjo për të kujtuar viktimat e koronavirusit si dhe për të nderuar sakrificën dhe angazhimin e profesionistëve të kujdesit shëndetësor.

Edhe Selia e Shenjtë në shenjë solidariteti me Italinë, uli në gjysmë shtizë flamurin deh mbajti zi për të shprehur afërsinë e saj me viktimat e pandemisë në Itali dhe në botë, për familjet e tyre dhe për ata që bujarisht luftojnë për t'i dhënë fund asaj.

Flamuri u ul edhe në ndërtesën e qeverisë, në Quirinale si dhe në fasadën e Parlamentit. Nismës iu bashkuan edhe mjaftë nga mediat kryesore në Itali.

Deri tani në Itali numri i të prekurve nga pandemia është mbi 101 700 kurse numri i viktimave ka shkuar në 11 591.

Vendi fqinjë me Shqipërinë po lufton me të gjitha forcat për të frenuar përhapjen e infeksionit dhe zgjerimin e epidemisë në rajonet jugore të vendit. Zonat më të goditura nga Covid-19 janë kryesisht rajonet në veri të Italisë.

Lajmi kryesor:

Rritet numri i viktimave dhe të infektuarve, ulen të shëruarit në 24 orët e fundit në Itali/ Trump i jep 100 mln $ Romës

TAG:
• france
• SHBA
• gjermani
• itali
• spanje
• Koronavirus
• koronavirusi