Koronavirusi, në muajin janar i infektuari i parë në Europë ishte 'i fshehur' në Gjermani, prej tij u përhap virusi në Itali 

 

Një letër e shkruar nga mjekët gjermanë dhe e botuar në 'New England Journal of Medicine' thotë se një burrë 33-vjeçar nga Mynihu, në Gjermani, mund të jetë europiani i parë që ka kontaktuar dhe transmetuar infeksionin e koronavirusit.

Sipas një harte gjenetike të publikuar në faqen e internetit 'Netxstrain', e cila rindërton një lloj peme gjenealogjike të virusit, i infektuari gjerman mund të ketë 'ushqyer' në heshtje zinxhirin e infeksioneve që u përhapën në Itali dhe në Europë.

'Pacienti 1' nga Monaco shfaqi simptomat e para në 24 janar, pasi takoi një koleg nga Shanghai, i cili më pas u testua pozitiv. Në katër ditët në vijim, shumë punonjës të kompanisë gjermane ku ai punonte gjithashtu u testuan pozitivë. 

Megjithëse selia e kompanisë paskësaj ishte mbyllur pasi u shfaqën rastet e para, studiuesit besojnë se shpërthimi i Mynihut mund të ketë qenë i lidhur me një pjesë të mirë të epidemisë në Europë, përfshirë Italinë.

"Është për tu theksuar - shkruajnë autorët e studimit- që infeksioni duket se është transmetuar gjatë periudhës së inkubacionit, kur simptomat ishin të buta dhe jo specifike".

Lajmi kryesor:

Koronavirusi/Itali, 148 viktima! Masat radikale, Italia ndryshon stilin e jetesës. Qeveria Conte: Mësim në distancë dhe ndihma për familjet

/G.M./Shqiptarja.com

TAG:
• qeveria italiane
• Giuseppe Conte
• Emergjenca e koronavirusit