Ndërsa në Shqipëri është shënuar viktima e parë nga koronavirusi, institucionet shtetërore vijojnë të kufizojnë deri në mbyllje veprimtaritë e tyre.
Pas Kuvendit të Shqipërisë, i cili ka njoftuar shtyrjen pa afat të seancës së nesërme plenare si dhe nuk ka më asnjë plan për mbledhje të komisioneve parlamentare, veprimtarinë e ka kufizuar edhe Kolegji i Posaçëm i Apelimit, organi fundor i Vetingut.
Nga nesër punonjësit e Kolegjit të Apelimit do të shpërndahen dhe punojnë nga shtëpia, ndërsa pezullohen pa afat seancat gjyqësore.
“Seancat gjyqësore publike dhe në dhomë këshillimi, që u përkasin juridiksionit të rivlerësimit dhe juridiksionit disiplinor, të publikuara për t’u zhvilluar, do të shtyhen deri në një njoftim të dytë.
Pezullohet afati i zbardhjes së vendimeve për periudhën nga data 12 mars 2020 deri në një njoftim të dytë.
Veprimtaria e punës së Kolegjit të Posaçëm të Apelimit do të vazhdojë të kryhet në ato funksione/detyra/njësi organizative që mund ta përmbushin në kushtet e banesës, nëpërmjet komunikimit elektronik dhe telefonik”, njofton KPA.
Komisioni i Pavarur i Kualifikimit, shkalla e parë të Vetingut, deri më tani nuk ka publikuar asnjë njoftim për kufizimin e veprimtarisë.
Ndërkaq, nga data 10 mars, Gjykata Kushtetuese ka ndërprerë shërbimin e pritjes së qytetarëve. Në të njëjtën kohë, në kuadër të masave kundër koronavirusit, pas Kuvendit, organeve të larta të drejtësisë dhe dhjetëra institucioneve të tjera, sot kanë nisur procedurat për dezinfektimin e ambienteve Bashkia e Tiranës, disa drejtori policie, burgjet, spitalet etj.
Në ftesën për ofertë të publikuar sot nga Bashkia e Tiranës thuhet se “Operatori ekonomik i renditur i pari, duhet të paraqitet pranë autoritetit kontraktor brenda 24 orëve.
Kërkojmë nga ju vlerësimin me seriozitet të kërkesave tona përpara se të ofertoni, në mënyrë që të përmbushni detyrimet që merrni përsipër me paraqitjen e ofertës, në rast se shpalleni fitues”.
Po ashtu, kanë nisur sot procedurat e dezinfektimit tw Muzeut Historik Kombëtar, Qendra Balneare Peshkopi, Drejtoria e Shërbimit Spitalor Tropojë, Drejtoria e Spitalit Rajonal Durrës, Qendra e Artit dhe e Kulturës Korçë, Agjencia e Administrimit Tregjeve Tiranë, Qendra Kombëtare Pritëse Azilkërkuesve Babrru Tirane etj.
Ndërkaq, janë tejkaluar procedurat dhe ka nisur zbatimi masave kundër koronavirusit në Gjykatën e Tiranës, Institutit e Sigurimeve Shoqërore, Spitalin e Ersekës etj.
Lajme të tjera
-
Burri nga Holanda 613 ditë i infektuar me COVID, iu gjetën mutacione të virusit
26 Prill, 20:16 -
Merrnin ryshfet dhe shpërdonin detyrën, Gjykata e Tiranës lë në burg dy efektivët e forcave ‘Shqiponja’
1 Qershor 2023, 11:59 -
Mbyllen Gjykata dhe Prokuoria e Tropojës dhe zhvendosen në Kukës, shqetësimi i Guskës: Populli i thjeshtë s’ka më akses në drejtësi
2 Maj 2023, 12:42
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Koronavirusi në Kinë, rreth 60 mijë vdekje brenda një muaji
14 Janar 2023, 12:45 -
Bilanci i 2022/ Lista me 94 gjyqtarët dhe prokurorët që 'ia mbathën' nga frika e Vettingut, përjashtohen të gjithë nga drejtësia! 15 subjekte të dorëhequra
2 Janar 2023, 16:19
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Nuk ka më dënime me burg për përhapje të sëmundjeve infektive, Kushtetuesja shfuqizon 2 paragrafë të nenit 89 që u shtuan gjatë pandemisë
17 Dhjetor 2022, 21:15 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58
