POP 5

Lajmet më të lexuara të 5 minutave të fundit

Kronikë

Koronavirusi shtyn afatin e regjistrimit të makinave në Shqipëri

Drejtoria e Përgjithshme e Transportit Rrugor ka shtyrë për një afat të pacaktuar procesin e regjistrimit të ndryshimit të pronësisë së mjetit. Afati përfundimtar ishte dita e sotme por është shtyrë për shkak të koronavirusit, pasi ka qytetarë që duhet të vijnë nga jashtë por qarkullimi është në disa raste i bllokuar.

Shtyhet afati që kanë qytetarët për të regjistruar ndryshimin e pronësisë së mjetit pranë Drejtorisë së Përgjithshme të Transportit Rrugor. Shkak për këtë shtyrje pa afat është bërë koronavirusi, i cili ka shënuar disa viktima edhe në Evropë, përfshirë Italinë. Sipas shpjegimit të DPSHTRR, shumë qytetarë që ende nuk kanë regjistruar ndryshimin e pronësisë së mjetit vijnë qëndrojnë në shtete të prekura nga koronavirusi, dhe për shkak të situatës së krijuar ku edhe lëvizjet e qytetarëve janë të reduktuara. Për këtë arsye Drejtoria e Transportit Rrugor ka vendosur shty procesin e regjistrimit të pronësisë deri në qetësim të situatës.

Por çfarë është i gjithë procesi i regjistrimit të ndryshimit të pronësisë së mjetit?

Që nga 15 janari i këtij viti të gjithë qytetarët që kishin shitur një automjet, iu dha e drejta të aplikojnë online për çregjistrimin e mjetit nga emri i tyre pranë DPSHTRR, në rast se blerësi nuk e ka regjistruar mjetin e blerë në emrin e tij. Kjo ishte një risi e këtij viti dhe që i vinte në ndihmë shitësit ,që të mos ngarkohej me detyrime të shumta nëse blerësi nuk paguan taksa apo e përdor mjetin për ngjarje kriminale.

Po ashtu iu la afat deri më 28 shkurt personave të tjerë që kishin blerë një automjet por nuk e kishin regjistruar në emrin e tyre, për ta regjistruar pa u gjobitur. Mos-regjistrimi i mjetit dëmton njëkohësisht edhe blerësin pasi për këtë makinë mund të jetë dhënë ndonjë urdhër ndalimi pas aktit të shitjes-blerjes.

Duke filluar nga 1 marsi ishte parashikuar që të aplikoheshin gjoba në masën e 10-40 mijë lekë për ata që nuk bëjnë regjistrimin e ndryshimit të pronësisë, por tashmë edhe ky vendim shtyhet për në një moment të dytë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nustricionisti dhe specialisti i Mjeksisë Holistike, Altin Joka: Ndryshimi i stilit të jetës dhe të ushqyerit ju zgjat jetën

Nustricionisti dhe specialisti i Mjeksisë Holistike, Altin Joka: Ndryshimi i stilit të jetës dhe të ushqyerit ju zgjat jetën

24 Nëntor, 13:32