Në emisionin 'Repolitix' mbrëmjen e sotme u diskutua situata e koronavirusit në vendin tonë pas 10 personave të prekur, ndërsa të ftuar ishin zëvendësministrja e Shëndetësisë Mira Rakacolli, shefja e Epidimiologjisë në ISHP Eugena Tomini, kryetari i Komisionit të Shëndetësisë Enver Roshi dhe sociologu Gezim Tushi.
Eugena Tomini, shefe e Epidemiologjisë në ISHP u shpreh mbrëmjen e sotme në emisionin Repolitix se maskat e skaduara, të denoncuara nga opozita aktualisht nuk përdoren për koronavirusin në personelin mjekësor në sistemin parësor.
"Kjo maskë në sistemin parësor nuk përdoret as në ndërhyrjet kirurgjikale as në menaxhimin e asnjë rasti të dyshuar pasi do të përdoren maskat respiratore N/95 sipas rekomandimeve të OBSH-së. Jo vetëm stafi, por që nga menaxhimi, diagnoza po përdor maskën N/95 me filtër të plotë' tha ajo.
Po ku përdoret kjo masë që shkaktoi edhe debat të fortë politik? "Këto janë maska të thjeshta që përdore në nivele shumë të ulëta të menaxhimit shëndetësor, janë sjellë nga Kanadaja, që nuk pranon elementë të skaduar dhe pajisje të eksportohen në Shqipëri" tha ajo.
Ajo vlerësoi edhe punën e gazetarëve. "Janë në linjë të parë edhe ata si personeli shëndetësor. Por janë disa elementë bazë, si larja e duarve, mbajtja e maskës respiratore, tendenca për të kapur i pari familjarin, është e gabuar nëse nuk ndiqen masat e kontrollit të infeksionit. Maska duhet të jetë kirurgjikale, minimale mjekësore, pasi nga një tështitje apo kollitje maska ndalon këtë spërkatje". Ndërsa Enver Roshi kishte një kërkesë për pushtetin vendor. "Të ndalohet fshirja e rrugëve me fshesë".
Zv/ ministrja e Shëndetësisë Mira Rakacolli e ftuar në studion e emisionit 'Repolitix' në Report Tv rrëfeu se cfarë diskutoi në takimin me Presidentin Ilir Meta mbrëmjen e sotme. Organizimi te Infektivi dhe respiratorët ishin dy nga shqetësimet e kreut të shtetit, por në fund, Rakacolli tha se e qetësuan.
"Presidenti kërkoi një informim nga ministria e Shëndetësisë si ishte situata në Shqipëri, për disa gjëra që i kishte të paqarta për numrin e respiratorëve, organizimin e Infektivit dhe shqetësimit nëse ishin të mjaftueshme nëse do të kishim epidemi të madhe. Takimi ishte normal, në fund Presidenti u shpreh 'unë tani jam më i qetë'. Ishte një informacion që kërkoi Presidenti, është normale që të jetë i shqetësuar. Kjo ishte ajo që u diskutua në këtë takim.
Respiratorët i kemi, i shpjeguam, po ashtu organizimin te Infektivi, por edhe planin që kemi bërë si komitet ekspertësh për ta përballuar dhe që ndryshon në dinamikë, pasi kjo ka shumë të panjohura. Kemi ngritur problemin që mund të na duhen më shumë respiratorë, qeveria dha fondin për të blerë. Kemi menduar edhe vendet ku do të vendosen respiratorët dhe linjat" tha Rakacolli.
Konfirmimi i 10 rasteve me koronavirus në Shqipëri ka sjellë marrjen e masave të rrepat nga qeveria për frenimin e përhapjes së tij. Pjesa më e madhe e të infektuarave janë kontakte të 'pacientit zero', 28-vjeçarit nga Fierence, ndërsa dyshime shfaq një 31-vjeçar nga Tirana, i cili nuk ka asnjë kontakt me pacientin zero. Po ai si u infektua? Kjo ka qenë pyetja e ngritur në emisionin 'Repolitix' ku shefja e Epidemiologjisë në ISHP, Eugena Tomini e cila sqaroi se 31-vjeçari është pacienti 2, ndërsa pacienti 1 është babai i 28-vjeçari i cilësuar si pacienti 0.
Sipas Tominit, 31-vjeçari ka pasur histori udhëtimi në Bolonja dhe mund të ketë pasur kontakte me persona që kanë pasur covid 19. Ajo gjithashtu shtoi se në momentin që ai u shtruan te infektivi, atëherë po kurohet si i prekur nga koronavirusi së bashku me babë e bir dhe kjo është e qartë dhe për pacientët që janë të shtruar.
'Që në momentin që shtrohet te infektivi dihet që është për covid 19 dhe ai e ka të qartë këtë situatë. 31-vjeçari është pacienti i dytë dhe ka pasur histori udhëtimi në Bolonja dhe mund të ketë pasur kontakte me persona që kanë pasur covid 19" tha Tomini.
Në lidhje me masat e marra, Tomini shtoi se pacientët duhet të bashkëpunojnë me mjekët duke deklaruar kontaktet që të minimizohet përhapja.
"Pacienti duhet të bashkëpunojë me mjekët dhe duhet të deklarojë vetë kontaktet e tij që të minimizohet përhapja. Kjo është shumë me vlerë në këto momente. Ne kemi përforcuar survejancën e kontrollit dhe kemi një sistem të konsoliduar dhe përforcuar aktualisht. Hap pas hapi vendosen masa të tjera për ta përforcuar edhe më shumë këtë survejancë", tha Tomini
Komente
Lajme të tjera
-
Ndërgjegjësimi për kancerin e gjirit/ Drejtoresha e ISHP: I gjithë viti duhet të jetë një tetor rozë! Ekspertja: Nëse nuk bëjmë teste jemi vetë fajtore
3 Tetor, 14:31 -
Ethet e Nilit/ 79 të infektuar, 11 humbje jete! ISHP: Mosha mbi 60 vjeç më e prekur
12 Shtator, 20:09 -
Krimi në Shënavlash/ Sociologu Gëzim Tushi për Report Tv: Të vrasësh babanë e ta hedhësh në pus për para është veprim kafshëror
5 Shtator, 13:53 -
Rikthehen pas 13 vitesh “Ethet e Nilit” në Shqipëri! 3 të vdekur dhe 17 të infektuar, Tomini për Report Tv: Lushnja, Fieri e Kurbini më të prekurat
5 Gusht, 13:11
-
Rritet përdorimi i drogave sintetike në Shqipëri/ Eksperti i sigurisë: Turistët e huaj po sjellin droga të reja! Sociologu: Duhet një strategji për parandalimin
13 Qershor, 16:28 -
15-vjeçarja sajoi akuzë për babanë pasi i mori celularin/ Avokati në 'Përballje': Ajo po qeshte me kolegun tim! Sociologu Tushi: Prindërit përdorin metoda autoritariste
28 Maj, 14:53 -
SPAK hapi 'Kutinë e Pandorës', sociologu në 'Studio Live': Krimi e ka kthyer vendin në spital psikiatrik! Gazetari: Pritet megaoperacion tjetër
23 Maj, 19:13 -
Doli duke buzëqeshur pas vrasjes së policit/ Sociologu në 'Përballje': Ka dështuar e gjithë shoqëria! Avokati: Këta persona i pëlqen politika
17 Maj, 14:45 -
Dezinsektimi/ Drejtoresha e ISHP për Report Tv: Zgjat deri në shtator, përsëritet çdo 2-3 javë! Divjaka epiqendra e mushkonjave, s’mund t’i ‘zerojmë’
13 Maj, 13:41 -
‘Lufta’ ndaj insekteve, nis dezinsektimi në të gjithë vendin! Ankohet kryebashkiaku i Divjakës: Duhej nga ajri! ISHP: I konsultuar
8 Maj, 20:02
-
Ministrja gjermane kërkoi që fëmijët të përgatiten për luftë, të ftuarit në 'Përballje': Kujdesi nuk është kurrë i tepërt
19 Mars, 14:37 -
Pse është ulur numri i meshkujve? Nga emigrimi te rënia e martesave dhe lindjeve, sociologu Gëzim Tushi jep arsyet
14 Mars, 20:29
O RAKACOLLI kur ta zere KORONA-VIRUSI METEN,,,ATEHERE DO QETESOHEM UNE...
PërgjigjuShqiptaret popull kokderr dhe injorant
Përgjigju