Koronavirusi-Greqi, dronë për të ndaluar grumbullimet e njerëzve gjatë Pashkës

Autoritetet greke do të vendosin drone për të monitoruar kishat dhe do të rrisin patrullimet në rrugë, ndërsa kombi përgatitet për një Pashkë shumë të ndryshme në epokën e COVID-19, raporton “The Guardian”.

“Kjo Pashkë është ndryshe. Ne nuk do të shkojmë në fshatrat tanë. Ne nuk do të pjekim në oborret tona. Ne nuk do të shkojmë në kishat tona dhe, sigurisht, ne nuk do të mblidhemi në shtëpitë e të afërmve dhe miqve”, tha zëdhënësi i qeverisë, Stelios Petsas.

“Që ne të vazhdojmë të jemi bashkë, këtë vit do të qëndrojmë larg njëri-tjetrit”, shtoi ai.

Nikos Hardalias, ministri i Mbrojtjes Civile, i cili merret me përgjigjen e përditshme ndaj pandemisë, paralajmëroi të enjten se keqpërdoruesit nuk duhet të presin butësi.

Me 300 euro për shkelje, ai tha se gjobitjet do të dyfishohen nëse grekët do të zbuloheshin se po lëvizin pa qëllim gjatë fundjavës së gjatë.

Kufizimet do të forcohen nga e shtuna në mbrëmje deri në mesnatë të hënën, me rreth 5 000 policë shtesë të dërguar për të patrulluar rrugët e rajonit të Athinës.

Deri më tani në Greqi, 108 njerëz kanë vdekur nga COVID-19 në një popullsi prej 11 milionë, ku rastet e konfirmuara dhe numri i të sëmurëve kritikë, përkatësisht në 2 224 dhe 69, janë gjithashtu më të ulët se çdo shtet tjetër europian.

Lajmi kryesor:

Covid-19/ Në Itali, 482 viktima dhe 2200 të shëruar në 24 orë! Rreth 155 mijë viktima në botë, Trump: Do kemi rreth 60-65 mijë vdekje

TAG:
• Koronavirus
• koronavirusi