Koronavirusi/Itali, 148 viktima dhe 3,296 të infektuar! Kryeministri Giuseppe Conte: 7,5 miliardë euro për t'u përballur me emergjencën e epidemisë

Për t'u përballur me emergjencën e koronavirusit në frontin ekonomik, qeverisë italiane do ti duhet të injektojë 7.5 miliardë euro, njoftoi kryeministri Giuseppe Conte në një konferencë shtypi në 'Palazzo Chigi'. 7,5 miliardë - të cilat për arsye teknike-kontabël do të 'peshojnë' vetëm 6.35 miliardë në deficitin publik dhe përfaqësojnë një pjesë midis 0.2 dhe 0.3% të PBB-së italiane, sqaroi Ministri i Ekonomisë Roberto Gualtieri të cilat do të shpenzohen për të zbatuar "masat e jashtëzakonshme dhe urgjente" të përfshira në dekretin qeveritar.

Kryeministri Conte tha se "7,5 miliardë do të shpenzohen për forcimin e strukturave të kujdesit shëndetësor, mbështetjen e Mbrojtjes Civile dhe agjencive të zbatimit të ligjit, sigurimet shoqërore dhe në ndihmë për bizneset, "masa që do të na lejojnë të mbështesim të ardhurat dhe të ruajmë punësimin dhe të përmirësojmë sigurimet shoqërore, sepse askush nuk duhet të humbasë punën".

LEXO EDHE:
Vetë italianët nuk janë të habitur

Dritë jeshile nga Brukseli

Nuk pritet vështirësi nga ana e Bashkimit Europian për këtë rritje të deficiteve dhe shpenzimeve.

"Ne jemi në kontakt të vazhdueshëm me Brukselin dhe deri tani nuk kemi patur probleme në bisedime. Tani për tani është e pamundur të vlerësohet ndikimi negativ në ekonominë italiane të përhapjes së virusit", - sqaroi Ministri i Ekonomisë Roberto Gualtieri

Kryeministri Conte tha se "qeveria ka vendosur të marrë këtë iniciativë, në përgjigje të emergjencës pavarësisht se është një devijim nga objektivat programatikë të financave publike, sepse besojmë se duhet të ndërmarrim masa të jashtëzakonshme, urgjente në një kontekst të tillë urgjent. Ne jemi të vetëdijshëm për përgjegjësinë".

Mbyllja e shkollave

"Mbyllja e shkollave nuk ishte një zgjedhje e thjeshtë - sqaroi Kryeministri - u mor me përgjegjësi dhe vetëdije për vështirësitë që u shkakton familjeve dhe bizneseve dhe gjithashtu të sinjalit jo të mirë që mund të jepet jashtë vendit. Nuk ishte absolutisht një masë e lehtë".

Sipas raportimit të Mbrojtjes civile italiane dhe Komisionerit Angelo Borrelli, numri i të infektuarve nga koronavirusi është 3,296 , 414 janë të shëruar, kurse numri i viktimave ka shkuar në 148.

TAG:
• qeveria italiane
• Giuseppe Conte
• Emergjenca e koronavirusit

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1490

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq