POP 5

Lajmet më të lexuara të 5 minutave të fundit

Ekonomi

'Korporata e investimeve' nuk pëson ndryshime, opozita: S'janë reflektuar rekomandimet e FMN-së

Projektligji i “Korporatës së Investimeve” u rifut në axhendën e parlamentit pas shtyrjeve në Komisionin e Ekonomisë dhe Veprimatrisë Prodhuese. Ndërkohë  deputetët e opozitës parlamentare thanë për Report TV, se nuk janë diskutuar rekomandimet e FMN, BB dhe KE.

Ligji për Korporatën e Investimeve ka hyrë në agjendën për tu diskutuar në komisionet parlamentare. Ky projektligj është prezantuar nga Ministria e Financave që në sezonin e kaluar por u përball me shumë kritika si nga ekspertët ashtu edhe nga opozita. Drafti parashikon krijimin e një shoqërie tregtare që zotërohet nga shteti, e që si objekt ka administrimin e pronave publike, përgatitjen dhe zbatimin e projekteve të investimit, si dhe mobilizimin e kapitalit shtetëror ose privat, me qëllim kryerjen e investimeve.

Në seancën e fundit të sezonit të kaluar Komisioni i Ekonomisë dhe i Veprimtarise Prodhuese e shtyn këtë projektligj për në shtator për shkak se do të pësonte disa ndryshime thelbësore, dhe do të merrte në konsideratë rekomandimet e FMN-së, BB-së dhe Komisionit Evropian, institucione që këtë projektligj e shikonin me skepticizëm për shkak se menaxhimi i pronave publike mund të kalojë në dorë të privatit.

Nënkryetari i Komisionit të Ekonomisë i ardhur nga opozita e re Arben Elezi, pati deklaruar për mediat se vendimi për shtyrjen e diskutimeve për këtë draft vjen si rezultat i ngritjes së një komisioni me antarë nga opozita dhe mazhoranca në mënyrë që të jetë i pranueshëm nga të gjitha palët dhe të mos cenojë pronën publike. Ndërkohë që kanë kaluar tre muaj nga kjo deklaratë komisioni i paralajmëruar nuk është ngritur, dhe kjo është konfirmuar nga anëtarë të opozitës së re për Report TV. Sipas tyre nuk ka patur deri më tani asnjë diskutim mazhorancë-opozitë për këtë projektligj, dhe se ende nuk është bërë asnjë ndryshim.

Ndërkohë nga ana tjetër Partia Demokratike vijon akuzat ndaj qeverisë, duke e konsideruar këtë projektligj koncesioni i radhës për të vjedhur pronën publike. Dhurata Çupi ish deputetja e PD-së deklaroi se ky draft rrëmben pronat bashkive dhe i vendos nën drejtimin e kryeministrit Edi Rama.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça