Korrupsioni, Rama: Lufta jonë përmes reformës në drejtësi dhe modernizimit të shërbimeve, raportet nuk i marr të mirëqena, i bazohemi fakteve

Kryeministri Edi Rama tha nga SHBA për Zërin e Amerikës se korrupsioni është një problem jo vetëm në Shqipëri dhe se qeveria e tij është e angazhuar në reformën në drejtësi dhe modernizimin e shërbimeve si mënyra për të luftuar këtë fenomen.

"Prania e korrupsionit në sistemin tonë është e padiskutueshme, por lufta është padyshim që e ka sulmuar korrupsionin në mënyrën e duhur, nga një anë ne jemi angazhuar të udhëheqim reformën në drejtësi, të transformojë sistemin e  shërbimeve dhe po të bëjmë një krahasim të thjeshtë. Lufta ndaj korrupsionit është shtet-ndërtimi, është modernizim. Unë pranova që korrupsioni është një sfidë, por ajo që dua të them është se të gjitha raportet unë i marr me rezervë, pasi nuk i marr ato si të mirëqenia 100 %. Boll shikojmë me raportin Doing Bussines që u pezullua edhe nga Banka Botërore. Nuk dua të vë asnjë hije dyshimi por nuk i marr si të mirëqena këto raporte. I referohemi fakteve konkrete dhe jo llafeve te metodologjive të dala nga moda. Ata janë indikativ, kanë vlerën e tyre,ku ne i studiojmë, por që unë bazohem në faktet", tha Rama.


Lajmi kryesor:

Pas takimit me Blinken në SHBA, Rama: Folëm për rajonin! Jemi krah me SHBA-në për Ukrainën


/KT/Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet