POP 5

Lajmet më të lexuara të 5 minutave të fundit

Arkiva

Kosovë- Dogana rrit mbledhjen e taksave, por bie importi

PRISHTINË, 8 Prill/ATSH/.- Dogana e Kosovës ka publikuar sot performancën e tremujorit të parë të këtij viti dhe po ashtu ka publikuar edhe krahasimet me vitin e kaluar sa i përket kësaj periudhe. Sipas KosovaPress, gjatë këtyre tre muajve ka rënie të sasisë së mallrave të importuara, ndërsa ka një rritje të lehtë të vlerave […]


PRISHTINË, 8 Prill/ATSH/.- Dogana e Kosovës ka publikuar sot performancën e tremujorit të parë të këtij viti dhe po ashtu ka publikuar edhe krahasimet me vitin e kaluar sa i përket kësaj periudhe.
Sipas KosovaPress, gjatë këtyre tre muajve ka rënie të sasisë së mallrave të importuara, ndërsa ka një rritje të lehtë të vlerave importuese, dhe po ashtu mbledhja e taksave ka shënuar rritje.
"Në periudhën raportuese 2014-2015, importet kanë një rënie prej 12.61 për qind, ndërsa taksat e mbledhura janë rritur. Gjatë periudhës raportuese 2014 - 2015 për të gjitha regjimet e importit, taksat kanë shënuar ngritje prej 2.08 për qind. Gjatë vitit 2015 u mblodhën 166,5 milion eurove, ndërsa vitin e kaluar u mblodhën 163,1 milion euro", thuhet në këtë komunikatë për media.
Po ashtu, në këtë performancë janë përfshirë edhe kundërvajtjet doganore, të cilat gjatë këtij viti kanë arritur në numrin prej 263. Dogana thekson se numri i kundërvajtjeve është si rezultat i kontrolleve më të mira dhe efikase, të cilat bazohen në selektimin përmes riskut.
Në aspektin e luftimit të korrupsionit në tre muajt e parë të vitit, Dogana ka pasur 15 raste të dyshimta, ndërsa në procedura disiplinore deri tani janë 23 oficerë doganor për shkelje të natyrave të ndryshme./m.m/

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Një moment i favorshëm për të zhvilluar projekte të reja...Çfarë thonë yjet për ju sot

6 Janar, 07:44