Kosovë – KQZ miraton akreditimin e grupit të tretë të vëzhguesve për zgjedhjet në Graçanicë

/ATSH/.- Komisioni Qendror i Zgjedhjeve mbajti mbledhjen e radhës të kryesuar nga kryetarja e KQZ-së, Valdete Daka, gjatë të cilës miratoi rekomandimin për akreditimin e Grupit të III-të të vëzhguesve për zgjedhjet e jashtëzakonshme për kryetar të komunës së Graçanicës, me gjithsej: 38 vëzhgues. Në një njoftim për shtyp Numri i përgjithshëm i vëzhguesve të akredituar deri më tani nga KQZ për vëzhgimin e këtyre zgjedhjeve është 388 vëzhgues.

Në vazhdim të mbledhjes, Kryeshefi Ekzekutiv i Sekretariatit të KQZ-së, Enis Halimi, paraqiti një informacion para anëtarëve të KQZ-së lidhur me zbatimin e aktiviteteve të parapara me Planin Operacional për zgjedhjet e jashtëzakonshme për kryetar të komunës së Graçanicës.
Halimi bëri të ditur se procesi i përgatitjeve të këtyre zgjedhjeve është në fazën e fundit të tij.

Zgjedhjet në Graçanicë zhvillohen pas dorëheqjes së Branimir Stojanoviç nga posti i kryetarit të Komunës së Graçanicës pas emërimit të tij zv/kryeministër në qeverinë e re të Kosovës të pas zgjedhjeve të parakohëshme parlamentare të 8 qershorit 2014

TAG:
• kqz