Kovaçevksi s’pret alternativën, dorëzon emrat në Kuvend për qeverinë e re të Maqedonisë së Veriut

Kovaçevksi s’pret alternativën, dorëzon emrat në Kuvend për qeverinë e re të Maqedonisë së Veriut

Dimitar Kovaçevski

MAQEDONI E VERIUT- Kryeministri Dimitar Kovaçevski dorëzoi në Kuvend propozimin për ministrat dhe zv/ministrat e rinj në kabinetin e tij qeveritar. Kreu i qeverisë nuk priti përgjigjen e Alternativës dhe direkt i depozitoi në Kuvend.

Në qeverinë e re do ndërrohen gjithsej 4 ministra. Në Shëndetësi u propozua Fatmir Mexhiti, në Drejtësi Krenar Lloga dhe në ministrinë e Shoqërisë Informatike dhe Administratës Azir Aliu, që të tre nga ASH. Kjo parti do të ketë edhe dy zëvendësministra si Tiron Jajaga si zv/ministër i Mbrojtjes, ndërsa Vjollca Berisha propozohet zv/ministre e Bujqësisë. 

Krenar Loga – ministër i Drejtësisë

Fatmir Mexhiti – ministër i Shëndetësisë

Azir Aliu – Ministër i Shoqërisë Informatike dhe Administratës

Kaja Shukova – Ministre e Mjedisit

Tiron Jajaga – zv/ministër i Mbrojtjes

Viktorija Avramovska-Madiq – zv/ministre e Drejtësisë

Vjollcë Berisha – zv/ministre e Bujqësisë

Maja Manoleva – zv/ ministre e Shëndetësisë

Ndryshimet miratohen në Kuvend me dy të tretat, apo me 80 nga 120 votat e deputetëve. Por, shumica parlamentare aktualisht ka 75 vota, sikur pjesë e Qeverisë të bëhej edhe Aleanca për Shqiptarët. Domethënë mungojnë edhe pesë vota, të cilat kërkohen nga radhët e opozitës maqedonase. Por, kryetari i VMRO DPMNE-së opozitare, Hristijan Mickoski, ka bërë me dije publikisht se askush nuk ka marrë mandat në zgjedhje për ndryshimin e Kushtetutës. Sipas tij, në zgjedhjet e fundit asnjë parti politike nuk e ka paraqitur si pjesë të programit të saj ndryshimin e Kushtetutës. Për këtë arsye Mickoski konsideron se zgjedhjet e parakohshme janë e vetmja mënyrë që qytetarët të thonë se çfarë mendojnë dhe në cilin drejtim duhet të lëvizë Maqedonia e Veriut në periudhën e ardhshme.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet