POP 5

Lajmet më të lexuara të 5 minutave të fundit

Politikë

KQZ, Arvizu: Së shpejti reagojmë
nuk do të zhgënjeheni

Kreu i Ambasadës amerikane në Tiranë, Aleksandër Arvizu ka paralajmëruar dje se së shpejti do të thyejë heshtjen për zhvillimet politike në vend; heshtje të cilën ai e ka ruajtur prej rreth një muaji që prej deklaratës së ashpër kundër lirimit nga detyra të anëtarit të KQZ, Ilirjan Muho.
TIRANË - Kreu i Ambasadës amerikane në Tiranë, Aleksander Arvizu ka paralajmëruar dje se së shpejti do të thyejë heshtjen për zhvillimet politike në vend; heshtje të cilën ai e ka ruajtur prej rreth një muaji që prej deklaratës së ashpër kundër lirimit nga detyra të anëtarit të KQZ, Ilirjan Muho.

Kreu i ambasadës amerikane thotë se në ditët në vijim SHBA do të bëjë publike pozicionet jo vetëm për KQZ-në, por edhe klimën politike parazgjedhore në tërësi. "Prisni në ditët e javët e ardhshme. Besoj se nuk do të zhgënjeheni", tha amabsadori Arvizu në komentin e tij të shkurtër lidhur me zhvillimet politike më të fundit në vend.

Duke iu shmangur komenteve për mungesën e tij në media gjatë javëve të fundit, ambasadori Arvizu ka deklaruar se do të ketë zhvillime në ditët në vijim.

PËRUROHET QENDRA E KËSHILLIMIT “EDUCATION USA”

Dje ambasadori Aleksander A. Arvizu, i shoqëruar nga zv/ministri i Arsimit, Ardian Tana, përuroi të parën Qendër Këshillimi "Education USA" në Shqipëri.

Qendra u financua nga një grant prej 50.000 dollarësh nga Shtetet e Bashkuara dhe nisi të ofrojë shërbimet e saj në fillim të 2013-ës. Ajo ka pasur rol të rëndësishëm në këshillimin dhe aplikimin e një studenti shqiptar, i cili tashmë është regjistruar në një kolegj në Kaliforni.

Gjatë fjalës së tij, ambasadori theksoi rolin që shkëmbimet kulturore luajnë në forcimin e marrëdhënieve midis Shteteve të Bashkuara dhe Shqipërisë, vlerësoi punën që është bërë për hapjen e kësaj qendre, dhe në sigurimin e shërbimeve për studentët shqiptarë, që duan të arsimohen në Shtetet e Bashkuara.

Ambasadori bisedoi gjatë me studentët mbi eksperiencat e tyre, si dhe i uroi për punën e madhe dhe përkushtimin e tyre në vazhdimin e edukimit të lartë. Qendra "Education USA" është në Universitetin "Marin Barleti" dhe të gjitha shërbimet janë pa pagesë.

Redaksia Online
(ma/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03