POP 5

Lajmet më të lexuara të 5 minutave të fundit

Politikë

KQZ për KZAZ: 20 bashki ende
pa i dorëzuar, 14 prilli afati i fundit!
PDF - Lista e 20 njësive vendore pa KZAZ

14 prilli është afati i caktuar nga KQZ-ja për ngritjen dhe konstituimin e KZAZ-ve në të gjithë vendin. Por edhe pse kanë mbetur edhe 4 ditë nga afati i përcaktuar, ende 20 njësi të qeverisjes vendore nuk kanë dorëzuar propozimet për vendet ku do të ngrihen selitë e KZAZ-ve.  VIDEO
TIRANE - 14 prilli është afati i caktuar nga KQZ-ja për ngritjen dhe konstituimin e KZAZ-ve në të gjithë vendin. Por edhe pse kanë mbetur edhe 4 ditë nga afati i përcaktuar, ende 20 njësi të qeverisjes vendore nuk kanë dorëzuar propozimet për vendet ku do të ngrihen selitë e KZAZ-ve.

Për këtë arsye KQZ nëpërmjet një deklarate për mediat u bëri thirrje kryetarëve të 20 njësive të qeverisjes vendore që të dërgojnë urgjentisht propozimet për 34 KZAZ-të pasi mosdorëzimi po pengon konsitutuimin e tyre.

“Si pasojë e ndryshimeve në Kodin Zgjedhor, Komisioni Qendror i Zgjedhjeve në zbatim të nenit 184, pika 3 e Kodit Zgjedhor, të ndryshuar, me vendimin nr. 87 të datës 07.04.2015, ka vendosur që data 14 prill është afati i caktuar për ngritjen dhe konstituimin të KZAZ-ve në të gjithë vendin. Menjëhrë sapo KQZ ka marrë miratuar vendimin nr. 87, në datën 7 prill, Administrata e Komisionit Qendror të Zgjedhjeve ka përdorur të gjitha format e komunikmit (atij shkresor, elektronik, telefonik), më Kryetarët e Njësive të Qeverisjes Vendore duke i vënë në dijeni për përgjegjësitë që ju ngarkon vendimi i KQZ-së, por ende sot në datën 10 prill, janë 20 Bashki që nuk kanë sjellë asnjë propozim për ambientet ku do të vendosen 34 KZAZ”, thuhet në deklaratën e KQZ-së.

Sipas ëdhënëses së këtij institucioni Drilona Hoxhaj, është e domosdoshme që të përcaktohen selitë ku do të vendosen Komisionet Zonale të Administrimit Zgjedhor, pasi në të kundërt nuk mund të zhvillohet mbledhja e parë e KQZ dhe konstituimi i tyre. Deri tani kanë sjellë propozime 41 Bashki për 56 KZAZ. 

Redaksia Online
(e.c/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëveshja Hamas-Izrael, ekip i përbashkët Katar-Egjiptin-SHBA për monitorimin e armëpushimit

Marrëveshja Hamas-Izrael, ekip i përbashkët Katar-Egjiptin-SHBA për monitorimin e armëpushimit

15 Janar, 20:46