Në mbledhjen e nesërme, Komisioni Qendror i Zgjedhjeve do të shpërndajë fondet parapagesë për partitë politike për financimin e fushatës.

Pjesën e “luanit” do ta marrin PS dhe PD si dy partitë më të mëdha parlamentare.

Kodi Zgjedhor në nenin 87, pika 1, përcakton se, partitë politike pjesëmarrëse në zgjedhje dhe që kanë marrë jo më pak se 0.5 për qind të votave në shkallë vendi, përfitojnë fonde nga Buxheti i Shtetit, në bazë të numrit të votave që secila parti ka marrë në ato zgjedhje.

Gjithashtu, Kodi Zgjedhor përcakton se, fondi i përcaktuar me vendim të Kuvendit, sipas pikës 1 të nenit 87, u ndahet si paradhënie partive jo më vonë se 5 ditë nga regjistrimi i partive të regjistruara si subjekte zgjedhore, si më poshtë:

a) 95 për qind e fondit i shpërndahet partive politike të regjistruara si subjekte zgjedhore, të cilat kanë përfituar jo më pak se 0.5 për qind të votave të vlefshme në zgjedhjet paraardhëse; b) 5 për qind e fondit i shpërndahet partive politike që janë regjistruar si subjekte zgjedhore.

Fondet e partive
1 Partia Socialiste e Shqipërisë       28,044,942
2 Partia Demokratike                       20,771,018
3 Levizja Socialiste per Integrim      7,094,507
4 Partia Republikane                       2,050,791
5 PDIU                                             1,767,
6 Fryma e Re Demokratike              1,152,214
7 Partia Demokracia Sociale            467,450
8 Partia Socialdemokrate                 401,761
9 Partia Kristian Demokrate              325,000
10 Aleanca Arbnore Kombetare       325,000
11 Minoriteti Etnik Grek per te Ardhmen 325,000
12 Aleanca Demokratike                   325,000
13 Partia Aleanca Demokristiane      325,000
14 Partia Komuniste e Shqiperise    325,000
15 Sfida per Shqiperine                    325,000
16 Partia Aleanca Popullore per Drejtesi      325,000
17 Lista e Barabarte                         325,000
18 Partia Bashkimi Demokristian Shqiptar   325,000
TOTALI  65.000.000