Kremtohet në Lezhë festa e Krishtlindjes

Mesha e shenjtë e celebruar në katedralen e Shën Nikolles në qytetin e Lezhës, ka çelur siparin per kremtimin e Krishlindjëve për të gjithë besimtaret e krishterë.

Qindra besimtarë u mblodhen mesnatën e kaluar, për të kremtuar meshen më të rsndësishme në kalendarin fetar atë te lindjes së Jezu Krishtit, birit të perëndisë.

Mesha e shenjtë e Krishlindjeve u mbajt nga arkipeshkvi i dioqezës së Lezhës imzot Otavio Vittale, i cili uroi të gjithë besimtarët, katolike për më shume paqe, mirësi dhe dashuri me njëri tjetrin.

Në mesazhin e tijë për festen imzot Vitale kërkoi që njerëzit ta ndihmojnë njëri-tjetrin dhe të sakrifikojnë për të ngritur një jetë në paqe dhe bashkëpunim.

Katedralja  e “Shën Nikollolles” në Lezhë ishte mbipopulluar nga prania e besimtarëve që pritën deri në ambientet  e jashtme për të kryer ritualet e festës, lutjet, ndezjen e qiririt dhe faljes.

Pas ceremonisë, besimtarët u shpërndanë duke ndarë mesazhe për shumë paqe e dashuri mes njëri tjetrit.

Festimet vijojnë më pas me drekën e Krishtlindjes dhe shkëmbimin e vizitave gjate gjithe dites se sotme.


Redaksia Online
(F.T/shqiptarja.com)