Gjatë mbledhjes së Dhomës Amerikane të Tregtisë, kreu i institucionit, Enio Jaço dhe ambasadorja e SHBA-ve në Shqipëri, mbajtën fjalën e tyre ku folën mbi klimën e biznesit në vendin tonë.
Jaço u përqendrua në sfidat me të cilat ishte përballur biznesi në Shqipëri, duke theksuar inflacionin më të lartë në 15 vitet e fundit, ndërkohë që ambasadorja, Yuri Kim deklaroi se reformat në Shqipëri po funksiononin duke sjellë në vend gjithmonë e më shumë investitorë amerikanë.
“Biznesi u godit nga stuhi të rënda. Nga post-pandemia te energjia dhe një nga inflacionet më të larta në 15 vite. E kombinuar me ekonomi të brishtë lokale, emigrim jashtëzakonisht i madh dhe ulje e konsumit të forcës punëtore. Kur dhomat e tjera janë ulur në numër, ne kemi numrin më të lartë të anëtarëve. Kjo na bën më të fortë perballë sfidave”-tha Jaço.
Teksa foli gjatë mbledhjes së përgjithshme të Dhomës Amerikane të Tregtisë, Jaço zbuloi se në javët në vijim do të publikohej indeksi i biznesit në vend, ndërsa theksoi rëndësinë e bashkëpunimit mes sektorit public dhe privat në kuadër të anëtarësimit sa më të shpejtë të Shqipërisë në Bashkimin Europian.
“Për disa të tjerë progresi ka qenë i papërfillshëm. Në javët dhe në muajt në vijim do të publikojmë edhe indeksin e biznesit. Shqipëria ka hyrë në një moment delikat në lidhje me hapjen e negociatave me BE-në që varet drejtpërdrejt nga realizimi i reformave. Institucionet përgjegjëse janë ato të administrates publike por reforma është e pamundur të ketë sukses pa përfshirjen e biznesit privat dhe shoqërise civile. Duhet të ketë bashkëpunim mes administrates publike dhe sektorit privat. Përfitimi është shumë i qartë, hyrja sa më shpejt në Bashkimin Europian”- tha Jaço.
Në mbledhjen e sotme të Dhomës Amerikane të Tregtisë, pritet që pas ceremonisë hapëse të votohet për zgjedhjen e zëvendës presidentit, anëtarit të Bordit dhe ndryshime në statutin e institucionit.
Gjatë fjalës së saj në mbledhjen e Dhomës Amerikane të Tregtisë, ambasadorja amerikane, Yuri Kim tha se SHBA synonte të forconte bashkëpunimin me Shqipërinë në demokraci dhe gjithashtu në fushën e biznesit.
Ndërsa tha se bizneset amerikane po investonin më shumë se kurrë në vendin tonë, ambasadorja shtoi se ishte thelbësore heqja e ndikimit kriminal dhe politik në ekonomi, duke arsyetuar se kjo do të shërbente për krijimin e lidhjeve më të shumta të ekonomisë amerikane me atë shqiptare.
“Duam të forcojmë bashkëpunimin shqiptaro-amerikan në demokraci dhe veçanërisht në fushën e biznesit. Ne e dimë që për të krijuar më shumë lidhje mes ekonomisë së SHBA dhe Shqipërisë duhet të kemi një mjedis biznesi të hapur, transparent dhe konkurrues. Dua të veçoj disa nga arritjet tona. Bizneset amerikane po investojnë në Shqipëri më shumë se kurrë më parë.
Eksportet drejt shteteve të Bashkuara u rritën me 36%. Në partneritet me bizneset amerikane, Shqipëria po bëhet udhëheqëse për energjinë. Ju i dini projektet që janë duke u konsultuar, siç është Skavica dhe shpërndarja e gazit natyror të lëngshëm. Po vijmë në një kohë që është tejet e rëndësishme ndërsa përballemi me sfida të reja që janë edhe sfida të vjetra. Të gjithë i kemi parë lajmet që prej 24 shkurtit , kur Rusia pushtoi Ukrainën pa asnjë arsye. Ne kemi parë ndikimin që ka sjellë mbi ekonominë europiane dhe sektorin e energjisë që është shumë i varur nga gazi natyror. Projekti i gazit të lëngshëm natyror në Vlorë mund të sjellë rreth 5 miliardë metër kub gaz në vit. Reformat në Shqipëri po funksionojnë, Është thelbësore heqja e ndikimit kriminal apo politik në ekonomi”- u shpreh mes të tjerash ambasadorja Yuri Kim.
Ambasadorja u shpreh se duke u bazuar në përvojën e saj në vende të tjera, ndjente se diçka po ndodhte në Shqipëri. Ajo shkoi më tej duke thënë se do të kishte investime amerikane në Shqipëiri kur gjykatat të ishin të pastra.
“Ka aq shumë talent dhe mundësi që nuk është prekur ende këtu. Diçka është duke ndodhur. Në vendet e tjera ku kam shërbyer, mund të ndjesh kur diçka po ndodhte. Mendoj që tanimë për shkak të ndikimit në ekonomitë tona dhe që ka buruar nga ajo që po bëjnë rusët, ka pak shkurajim.
Po ju them që në bazë të përvojës time, diçka po ndodh në ajër në Shqipëri. Këtu ka mundësi. Nëse nuk do e ndjenit këtu, nuk do të ishit këtu. Të jemi seriozë për identifikimin e pengesave gjatë ardhjes së investimeve amerikane për të lehtësuar. Kur gjykatat të jenë të pastra, do kemi investime amerikane në Shqipëri. Kur investitorët të kuptojnë që rregullat të zbatohen njësoj për të gjithë"-tha Kim.
Komente
Lajme të tjera
-
Inflacioni po bie më shpejt se pritej, Sejko: Shqipëria e ka rikuperuar plotësisht goditjen e rritjes së çmimeve
16 Tetor, 15:53 -
Inflacioni ra në 1.9% në shtator, niveli më i ulët prej 2021! Por ushqimet vetëm shtrenjtohen
8 Tetor, 19:38
-
BSH: Kriza e inflacionit i përket së shkuarës! Bizneset pa punonjës edhe pse rritën pagat
15 Gusht, 16:57
-
S’ulet norma bazë e interesit! Rritja e pagave për të mbajtur stafin në rrezik për inflacionin, Sejko për mikrokreditë: Kemi zbatuar ligjin
7 Gusht, 17:04
-
Rritja e çmimeve mbetet e ulët, inflacioni zbret në 2.1% në qershor
10 Korrik, 07:24 -
Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile
19 Qershor, 12:45
-
Ndalon rënia! Inflacioni rritet për herë të parë këtë vit, shtrenjtohen ushqimet, qiratë dhe energjia elektrike
10 Qershor, 14:57
-
Inflacioni i qëndrueshëm, por më i ulët se në vendet e BE! Shtrenjtohet argëtimi e shërbimi arsimor
17 Maj, 16:27
-
Bie inflacioni në 2.1%, niveli më i ulët nga 2021, por ushqimet vetëm shtrenjtohen
8 Maj, 15:24
-
Niveli më i ulët prej vitit 2021, inflacioni zbret në 2.3 %! INSTAT: Mallrat po shtrenjtohen, përveç karburantit
8 Prill, 16:51
-
Ministri i Financave: Në qershor do rishikohet tatimi mbi pagat! Synojmë lehtësimin e tatimit për shtresat e mesme! Dhoma Amerikane: Erëra të mira për vendin, por s’mjaftojnë
26 Mars, 21:17
-
Inflacioni po ulet prej rënies së çmimeve në tregjet e huaja! Sejko: Situata ekonomike pozitive! Është herët për të ulur normën bazë të interesit
20 Mars, 18:12
Po mi shoqe. Uleni cik krimin ne ekonomi. Por ju lutemi, ngrijeni cik ne politike.
Përgjigju