POP 5

Lajmet më të lexuara të 5 minutave të fundit

Ekonomi

Kreu i Dhomës Amerikane të Tregtisë: Investimet amerikane në Shqipëri janë rritur me 250%! Kim: Reforma në drejtësi, bazë për rritjen investimeve

235 mln dollarë është niveli i investimeve direkte të bizneseve amerikane në vendin tonë, i rritur me 250% në dy vjet. Për ambasadoren Yuri Kim, kjo tregon interesin e lartë të Shteteve të Bashkuara për Shqipërinë, teksa theksoi se duhet forcuar partneriteti me komunitetin amerikan. Kryeministri Rama tha se në prokurime do të përdoret Inteligjenca Artificiale.

Presidenti i Dhomës Amerikane të Tregtisë, Enio Jaço në takimin e zhvilluar në Asamblenë e Dhomës Amerikane të Tregtisë, tha se vendi ka nevojë për një klimë konkurruese biznesi dhe investimesh, në mënyrë që investitorët të qëndrojnë për një afat të gjatë kohor. Në fjalën e tij Jaço u shpreh se investimet amerikane ne Shqipëri janë rritur me 250%. Sipas Jaços nga 80 milionë dollarë që ishin dy viteve fundit ato janë rritur në 2020 dollarë, ndërsa theksoi se kjo tregon ndryshimin e realitetit e shtoi se synojnë për miliarda investime.

‘Ndërthurja e post-pandemisë me luftën në Ukrainë, tronditi zinxhirët e furnizimit global dhe ju detyroi të përshtateni me një realitet të ri ekonomik. Ekonomia e ngadalshme – jo vetëm në Shqipëri – vijon. Mjedisi inflacionist, ku ju keni përballur rritje të çmimeve për produktet thelbësore dhe keni pasur për zgjedhje mes uljes së fitimit ose kalimit të kostove te konsumatorët. Më në fund sfidat e forcës punëtore, pasi vala e dukshme e emigrimit ndikoi disa nga segmentet më të kualifikuara të forcës së punës.

Këto janë sfida të vërteta, por jam i lumtur të deklaroj se ju keni menaxhuar me dinjitet, rezistencë, krijimtari dhe aftësinë për të kapur mundësitë e reja. E dyta, pozicioni i AmCham ka evoluar. Nuk është më një grup i qëndrueshëm i kompanive, tani jemi në rritje të shpejtë. Ne dikur shqyrtonim vetëm një ose dy anëtarë të rinj, por tani ne shqyrtojmë 10 ose 12 aplikime të reja çdo mbledhje të bordit. Tani AmCham përfaqëson 240 anëtarë, 3.1 miliardë dollarë të të ardhurave dhe 40,000 punëtorë – kjo është impresionuese. Ju nuk i bashkoheni AmCham vetëm për rrjetin, por ju i bashkoheni atij për të gjetur një zë që mbron interesat tuaja. Është një komunitet i gjallë, i reflektuar në rritjen e numrit të aktiviteteve që mbajmë çdo vit – 30% më shumë. Sot, ju do të dëgjoni nga kryetarët e komiteteve që do të prezantojnë strategjitë e tyre. Ju inkurajoj të keni kujdes dhe të merrni në konsideratë pjesëmarrjen, pa marrë parasysh statusin e anëtarësimit tuaj.

Por AmCham në Shqipëri nuk është vetëm një dhomë lokale – ne jemi pjesë e një rrjeti global me mbi 100 Dhoma Amerikane. Vetëm në Europë, ka 46 Dhoma Amerikane, që përfaqësojnë 17,000 kompani dhe 20 milion punëtorë. Ne jemi duke punuar për të forcuar këto lidhje, sidomos në Ballkanin Perëndimor, ku shumë nga anëtarët tanë zhvillojnë biznes. AmCham Shqipëri nisi konferencën e suksesshme SmartCity, që nxit bashkëpunimin mes kryetarëve të bashkive, kompanive të teknologjisë amerikane dhe AmCham-eve rajonale, duke çuar në ngjarje të tjera të frytshme në Beograd dhe Shkup. Ju inkurajoj të angazhoheni në takimet e delegacionit të Dhomës Amerikane në të ardhmen për të forcuar këto lidhje.

Së treti, le të flasim për investimet amerikane në Shqipëri. Për vite, investimet ngecën në rreth 80 milionë dollarë, por gjatë dy viteve të fundit, ato janë rritur në 220 milionë dollarë – një rritje e jashtëzakonshme prej 250%. Kjo tregon ndryshimin e realitetit, por ne duhet të pranojmë se jemi ende shumë nën potencialin tonë. Ne duhet të synojmë për miliarda investime.’- tha Enio Jaço.

Ndërsa ambasadorja amerikan Yuri Kim u shpreh se Dhoma Amerikane do të vijojë që të japë rekomandime për zhvillimin e biznesit në Shqipëri. Reforma në Drejtësi me rezultatet e saj është bazë për rritjen investimeve, tha ndër të tjera Kim.

‘Reforma në Drejtësi po jep rezultatet reale që do të ndikojnë në vendime për investime. Qeveria vazhdon të racionalizoje dhe të bëjë më efikase rregulloren. Kompanitë amerikane mund të luajnë një rol të rëndësishëm në ekonominë e Shqipërisë. Sektori IT ka ndikuar shumë. Kompanitë amerikane mund të luajnë një rol kyç për të ofruar alternativa punësimi. Presim të punojmë me Dhomën Amerikane për një partneritet më të mirë biznesi.’- tha ambasadorja Kim.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 24/04/2023 18:40

    Investimet e Amerikes mbase jane rritur per te pergjiar njerezit dhe per te vjedhur pasurite e vendit se ekonomia jone ka vite qe ka mbaruar as buke thate nuk hane dot njerezit

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça