POP 5

Lajmet më të lexuara të 5 minutave të fundit

Kronikë

Kreu i OSBE, Zanier takon Nishanin: 
Shqipëria nxit bashkëpunimin rajonal

Sekretari i Përgjithshëm i OSBE-së, Lamberto Zannier, i ndodhur sot në Shqipëri në kuadër të takimit të SEECP ka zhvilluar takime me krerët më të lartë të vendit ku ka diskutuar edhe për zgjedhjet e ardhshme elektorale. Thelbi i takimit që kreu u OSBE ka zhvilluar me Presidentin Nishani, por edhe me zyrtarë të tjerë  të lartë, ka qenë bashkëpunimi mes vendeve të rajonit.
Kreu i OSBE, Zanier takon Nishanin: <br />Shqipëria nxit bashkëpunimin rajonal
TIRANË - Sekretari i Përgjithshëm i OSBE-së, Lamberto Zannier, i ndodhur sot në Shqipëri në kuadër të takimit të SEECP ka zhvilluar takime me krerët më të lartë të vendit ku ka diskutuar edhe për zgjedhjet e ardhshme elektorale.
 
Thelbi i takimit që kreu u OSBE ka zhvilluar me Presidentin Nishani, por edhe me zyrtarë të tjerë  të lartë, ka qenë bashkëpunimi mes vendeve të rajonit. Zannier theksoi se suksesi i Samitit të Tiranës tregoi lidershipin e fortë të Shqipërisë në nxitjen e bashkëpunimit rajonal, dhe evidentoi se Shqipëria ka vlera shumë të çmuara që mund të shërbejnë si model në rajon.

Kreu i Shtetit u ndal gjerësisht mbi çështjet e sigurisë, si një nga shtyllat më të rëndësishme të misionit të Organizatës, duke u fokusuar veçanërisht në zhvillimet në rajonin e Ballkanit Perëndimor. Presidenti Nishani siguroi se Shqipëria vazhdon me vendosmëri kursin e saj për fqinjësi të mirë dhe bashkëpunim konstruktiv rajonal.

Në këtë kontekst ai vlerësoi se vijimi i dialogut mes Kosovës dhe Serbisë, me ndërmjetësimin e BE dhe mbështetjen e SHBA, si dhe zbatimi i plotë i marrëveshjeve që arrihen në kuadër të këtij dialogu është thelbësor për normalizimin e marrëdhënieve mes dy vendeve, por me ndikim pozitiv edhe në bashkëpunimin rajonal.

"Njëkohësisht është po aq e rëndësishme pjesëmarrja e Kosovës në nismat e ndryshme rajonale dhe ndërkombëtare, çka do ta nxiste edhe më shumë pronësinë e bashkëpunimit në nivel rajonal.  Shqipëria është e interesuar të zhvillojë marrëdhënie gjithnjë e më të hapura dhe të mira me të gjitha vendet e rajonit, përfshirë me Serbinë, gjë që po dëshmohet dhe nga shkëmbimet e vizitave të nivelit të lartë në të dy vendet."- është shprehur Presidenti Nishani gjatë takimit.
 
Duke u ndalur mbi zhvillimet e fundit në Maqedoni, Presidenti Nishani përsëriti qëndrimin e tij të shprehur edhe më herët gjatë Samitit, duke nënvizuar se asistenca e specializuar e organizatave ndërkombëtare në zbardhjen e ngjarjeve të Kumanovës, do të rriste besueshmërinë e procesit të hetimit, dhe do të ndihmonte në shmangien e transformimit të krizës në konflikt të paqenë ndëretnik.
 
Në përgjigje të interesit të Sekretarit të Përgjithshëm mbi procesin e zgjedhjeve të afërta lokale në Shqipëri, Kreu i Shtetit vlerësoi bashkëpunimin e ofruar nga ODIHR për monitorimin e procesit zgjedhor, duke mirëpritur kontributin e Misionit vëzhgues si dhe kontributin e Prezencës në Tiranë për dekurajimin e fenomeneve kërcënuese, në përçimin e vlerave më të mira të Organizatës, si virtyt dhe si akt.


Sekretari i Përgjithshëm shprehu shqetësimin lidhur me fenomenin e infiltrimit të elementëve të lidhur me krimin e organizuar në administratë, përfshirë në kontekstin e zgjedhjeve të ardhshme lokale. Ai kërkoi që kjo gjë të ndiqet me përparësi si një çështje që përbën problem serioz. Zoti Zannier shprehu gjithashtu shqetësimin e polarizimit të fortë të situatës politike në vend, gjë që mund të dëmtojë avancimin e mëtejshëm të vendit drejt integrimit evropian.
 
Sekretari i Përgjithshëm informoi po ashtu se bashkë me Këshillin e Evropës po bashkëpunohet për të asistuar palën shqiptare lidhur me amendimin e Ligjit për Median, një instrument shumë i rëndësishëm në zhvillimin e mëtejshëm të demokracisë në vend.
 
Redaksia Online
(a.h/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Protestë për vrasjen e Martinit, nesër paralajmërohet bojkot dhe protesta në shkolla, kërkohet dorëheqja e ministres

Protestë për vrasjen e Martinit, nesër paralajmërohet bojkot dhe protesta në shkolla, kërkohet dorëheqja e ministres

26 Nëntor, 09:50