Kreu i PS në Gramsh: HEC-in në Kanionin e Holtës do të anulohet, kam garanci nga Balla

Kanionet e Holtës në Gramsh

Kreu i degës së Partisë Socialiste në Gramsh, Klodian Taçe ka thënë se projekti për HEC-in në Kanionin e Holtës në Gramsh do të anulohet. Përmes një postimi në Facebook, Klodian Taçe shprehet se për anulimin e projektit ka marrë garanci nga deputeti i qarkut të Elbasanit njëkohësisht kreu i grupit parlamentar të PS, Taulant Balla.

“Lajmi më i mirë që mund të mernim në këto momente, kemi marrë garanci totale nga drejtuesi ynë politik Taulant Balla që leja ne HEC Holte do anullohet. Faleminderit miku ynë”- ka shkruar kreu i PS në Gramsh.

Kujtojmë se banorët dhe PD kanë denoncuar ndërtimin e HEC-it në kanionin e Holtës. Pak ditë më parë Luçiano Boçi akuzoi ish-ministrin e Energjetikës Damian Gjiknuri se me firmën e hedhur për këtë HEC po zhduk bukuritë e rralla të natyrës në kanionet e Holtës, ndërsa kërkoi ndalimin e punimeve.

 

Leja e dhënë nga Këshilli i Territorit për HEC-in e Holtës

  • Sondazhi i ditës:

    Shifrat e të infektuarve dhe të vdekurve nga Covid-19 mbeten të larta! Çfarë masash duhen të marrin ekspertët?

Komento


×

Lajmi i fundit

John

Mblidhet sot Kuvendi, deputetët kanë kërkuar interpelancë me kryeministrin