Reforma në gjyqësor dhe Vetingu kanë trembur korrupsionin në drejtësi, ndërsa gjyqtarët tashmë po bëjnë shumë kujdes me praktikat korruptive. Ky është konkluzionin i Shërbimit Informativ Shtetëror në raportin për veprimtarinë vjetore për vitin 2019, në kapitullin për korrupsionin në Shqipëri. Raporti është paraqitur nga kreu i institucionit kryesor të sekreteve në vend, Helidon Bendo. “Për shkak të masave të shtuara kundër korrupsionit dhe reformës në drejtësi, elementë të sistemit të drejtësisë shfaqin kujdes të shtuar për të shmangur ekspozimin dhe lidhjet me elementë të besuar me akses direkt në Veting, si dhe dëshirë për të dëshmuar performancë në proceset gjyqësore të drejtuara prej tyre, përmes formulimit të akuzave, zvarritjes së procedurave apo dhënies së vendimeve maksimale të parashikuara në ligj”, thuhet në raport.
Shërbimi Informativ Shtetëror thekson në raport se pavarësisht hapave pozitive në luftën kundër korrupsionit, ‘kjo dukuri vijon të shfaqet problematike në sistemin e drejtësisë dhe në disa segmente të administratës publike’. Në raport trajtohet edhe çështja e parave të pista. Sipas SHISH, paratë pista po investohen në biznesin e ndërtimit dhe të hoteleri-turizmit. “Në vendin tonë, një sasi e konsiderueshme e parave “të pista” e ka origjinën nga aktiviteti kriminal ndër vite i individëve dhe grupeve të përfshira. Të ardhurat e fituara në mënyrë të paligjshme janë investuar në vijimin e aktiviteteve kriminale, si dhe në biznese të ligjshme. Sektorët mbizotërues për pastrimin e parave mbeten biznesi i ndërtimit, pasuritë e paluajtshme, hoteleri-turizmi, etj”, thuhet në raport.
Sipas institucionit të sekreteve, zonat bregdetare e ato urbane mbeten më tërheqëset, pasi ofrojnë potencial për kthimin shumëfish të investimit fillestar. Si faktorë favorizues të pastrimit të parave të pista, SHISH evidenton korrupsionin dhe niveli i informalitetit në ekonomi. Ndërkaq, sa i takon krimit të organizuar, SHISH thekson se “vlerat monetare dhe pasuria e përfituar nga veprimtaria kriminale ndër vite (favorizuar nga korrupsioni në sistemin e drejtësisë, pandëshkueshmëria apo niveli i ulët i saj), po përdoren nga këto grupe për zgjerimin e aktivitetit të narkotrafikut jashtë vendit, kryesisht në drejtim të drogave të forta. Individët kriminale që i kanë shpëtuar ndëshkimit, janë vendosur në vende të huaja dhe prej andej shërbejnë si ura lidhëse të trafikut me elementë kriminalë brenda vendit. Përveçse në vendet evropiane, janë aktivë edhe në vendet e origjinës së kokainës e heroinës, ku bashkëpunojnë me elementë kriminalë lokalë”.
Raporti i SHISH
Komente
Lajme të tjera
-
'Dezinformimi nga shtetet armiqësore!' Braçe: Në Kuvend ka ardhur një listë e gjatë e mediave online e tradicionale që bien pre apo vihen në dispozicion
13 Nëntor, 17:47
-
Komisioni i Dezinformimit/ Kryetarja e SHISH: Ndërhyrjet malinje nga vendet armiqësore po amplifikohen nga platformat online, financim e rekrutime në portale
13 Nëntor, 11:47 -
Çështjeve Europiane/ Kryenegociatorja Dhuka: Plan për realizimin e grup-kapitujve dhe Drejtësinë, 7 mld për kompensimin e ish-pronarëve! Tabaku: Buxheti s'ka asnjë ndryshim!
12 Nëntor, 09:58 -
Berisha propozon të zhbëjë sistemin e ri të drejtësisë: SHBA e BE të heqin dorë! Të angazhojmë Komisionin e Venecias për rishqyrtim tërësor
28 Tetor, 13:04 -
Spahiu: Rama i çoi mesazh Washingtonit, me Berishën kryeministër, dështuat me arrestime dhe reforma
26 Tetor, 20:28 -
Tiranë/ Të droguar në timon dhe tentativë për korrupsion të efektivëve! 2 në pranga, njëri prej tyre grek
22 Tetor, 12:27 -
Korrupsion dhe pastrim parash, ish-presidenti i Perusë dënohet me 20 vjet burg
22 Tetor, 09:52 -
Gonzato mesazh magjistratëve: Mbroni reformën në drejtësi, keni të gjithë mbështetjen e BE-së
30 Shtator, 11:00 -
Ambasadori Gonzato: Pa institucione të pavarura të drejtësisë nuk ka drejtësi të pavarur
26 Shtator, 08:58 -
“Mbi 1 mijë funksionarë të pandehur”, studimi për punën e SPAK dhe GJKKO: Rriten hetimet dhe dënimet për zyrtarët e lartë
25 Shtator, 12:45 -
Afera e Inceneratorëve/ SPAK shtyn me 3 muaj afatin hetimor për ish-zv/kryeministrin Arben Ahmetaj, i mbyll më 22 Dhjetor
23 Shtator, 11:19 -
Korrupsioni, një betejë që duhet fituar
6 Shtator, 12:13
Te kishim ca qereste i Loni do kishim investuar per nje ure.
PërgjigjuEshtë si t'u thuash njerëzve: "bota është sferike"; edhe mbledhësit e mbeturinave e dinë se ku investojnë paratë e ndyra. kompanitë e ndërtimit janë në konkurrencë të padrejtë me institucionet financiare! shihni ndonjë vlerë ekonomike në mijëra ndërtesa të reja që bllokojnë diellin e banorëve të Tiranës? Jam i sigurt se ata gjithashtu e dinë se sa paguajnë nga kjo "para e zezë" për të marrë lejen e ndërtimit. te lutem, duhet te jemi pak serioz. nuk ka kohë. të rinjtë po largohen nga vendi për të mos u kthyer më! Aplikoni * asnjë leje ndërtimi * dhe do të shihni rezultatet!
Përgjigju