POP 5

Lajmet më të lexuara të 5 minutave të fundit

Kronikë

Krishtlindjet kremtohen në të gjithë vendin, besimtarët e krishterë luten për një jetë më të mirë

Në mbarë vendin mbrëmë është kremtuar Krishtlindja. Besimtarët e krishterw i janë drejtuar kishave për të pritur Lindjen e Krishtit, ndërsa kanë uruar për më shumë paqe begati dhe ditë më të bardha. Në këtë ditë të shenjtë në disa qytete të vendit janë shtruar edhe tavolina për fëmijët në nevojë.

 

Në të gjitha qarqet e vendit është kremtuar festa e Kristlindjeve . Në Shkodër besimtarët e krishterë festën e Krishtlindjes dhe meshën e shenjtë e kanë mbajtur në Katedralen Shën Shtjefni. Me mesazhin per lindjen e krishtit, Arqipeshkvi i Dioqezës Shkodër–Pult, Monsinjor Angelo Massafra iu drejtua besimtarëve me mesazhin e paqes, ku cdo njeri duhet te jetojë me paqe në shtëpi e kudo.

Festa e Krishtlindjes është festa e të mirës, festa e dashurisë e pajtimit. O Zot na ndihmo të ecim para me shpresë dhe me guxim duke qenë të bindur që ti je me ne. 

 Angelo Massafra, Arqipeshkvi i Dioqezës Shkodër

Ndërkohë Krishlindjet në Lezhë kanë qenë të gëzueshme edhe për fëmijet në nëvoje. Për ta kanë menduar nxënësit e shkollës së kuzhines të cilët janë solidarizuar dhe artin e tyre në gatim e kanë vënë në dispozicion, duke shtruar një drekë enkas për këta fëmijë.

"Ne jemi të lumtur që e bëjmë këtë bamirësi sepse na bën të ndihemi mirë, jo vetëm në orag festash,por çdo ditë nga pak", është shprehur një nga nxënësit 

Rreth 200 fëmijë u bënë pjesë e drekës festive të shtruar me rastin e krishlindjes, ndërsa ky organizim është kthyer në një traditë.

Edhe ne qytetin e Vlores është festuar lindja e krishtit ku besimtar të shumtë janë mbledhur në meshën e mbajtur nga At Konstandini, prifti pranë kishes Ortodokse. Mesha e cila nisi 23:00 mblodhi rreth vetës me qindra besimtar të cilët në këtë ditë të shënuar uruan njëri tjetrin krishtlindje të bardha dhe të begata .

Ndërkohë krishtlindjet për këtë vit Korçën e kanë gjetur të zbardhur nga dëbora. Peisazh fantastik në qytetin e serenatave, që këtë vit e priti Lindjen e Krishtit nën flokët e dëborës. Korça si çdo vit ka pritur mjaft edhe shumë qytetar të cilët kanë shkuar për të kremtuar lindjen e krishtit edhe nga qytet e tjera te vendit dhe jo vetëm.

Unë vij nga Fieri, kam zgjedhur Korçën sepse është një qytet i bukur U bekuam dhe nga Zoto na ra dhe borë, një pritje Krishtlindje me borë nuk e kisha festuar ndonjëherë me borë Është një qytet fantastic.

Turisti

"Ne kemi ardhur nga qyteti i Kuçovës,na kanë ardhur dhe fëmijët nga Greqia.  Zgjodhëm pikërisht Korçën, për të vizituar sepse dimë që Korça është e dalluar për resurset dhe shumë shumë e reklamuar  për resurset, traditën dhe kulturën e saj", është shprehur një nga turistët.

Ndërsa besimtarët e krishterë në rrethin e Lushnjes kanë festuar lindjen e krishtit në kishën e Shën e Premtës. Mesha është drejtuar nga at Arkipi i cili uron besimtarët e Lushnjës dhe mbarë vendit për harmoni dhe begati në familjet e të gjithë shqiptarëve

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin

Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin

27 Dhjetor, 20:56