POP 5

Lajmet më të lexuara të 5 minutave të fundit

Sport

Kristjan Asllani merr garanci për më shumë minuta, plani i Interit për mesfushorin shqiptar

Kristjan Asllani ka marrë garanci për të pasur më shumë minuta te Interi. Sipas La Gazzetta dello Sport, zikaltërit kanë rezervuar të ardhmen e shqiptarit në klub, duke mos dashur të privohen nga cilësitë e tij me një huazim.

Kristjan Asllani ka marrë garanci për të pasur më shumë minuta te Interi. Sipas La Gazzetta dello Sport, zikaltërit kanë rezervuar të ardhmen e shqiptarit në klub, duke mos dashur të privohen nga cilësitë e tij me një huazim. Në edicionin e sotëm të prestigjozes italiane, thuhet se Interi do shesë Brozovic dhe rolin e tij do e marrë Calhanoglu.

Kështu Asllani do jetë zëvendësi i parë, duke marrë minuta thuajse në çdo ndeshje, kjo edhe sipas formës së lojtarëve të tjerë apo dëmtimeve. Nëse kujtojmë sezonin e shkuar, Asllani ishte zëvendësi i dytë dhe pse luajti në 29 ndeshje, koleksionoi vetëm 859 minuta, shumë pak për shpresat që zikaltërit kanë te cilësitë e mesfushorit të kombëtares shqiptare.

Forma e mirë me Shqipërinë ka bërë që te Interi të mendohen sërish për t'i gjetur hapësira një talenti si elbasanasi, që është "xhevahiri" i radhës në Serie A. Kështu, nga shitja e Brozovic, Interi do përfitojë investimin te Frattesi i Sassuolos dhe krijimi i hapësirave për minutat më të shumta të Asllanit.

I blerë 14 milionë euro sezonin e shkuar nga Empoli (+2 milionë euro bonus), Asllani shihet si e ardhmja e zikaltërve në mesin e fushës dhe në rolin e fantazistit, teksa është vetëm 21 vjeç dhe të gjithë në Itali e quajnë "braziliani", për vetë mënyrën dhe lojën krijuese në fushë.

Kjo do të thotë se Kristjan Asllani mund t’i kalojë pushimet e verës i qetë, pa u turbulluar edhe nga zërat e mundshëm të merkatos, duke qenë se Interi nuk ka ndërmend që ta huazojë askund, por edhe vetë 21- vjeçari nuk kërkon të largohet nga Interi.

S.Dh/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29